Menu di navigazione

Guida alla Val di Fassa

Ciampedel

La jent e la cultura

Superjù 1 milion de jent rua vigni an a veder tant bela che la é la natura de Fascia, ma demò 10.000 sentadins vif chiò fora e fora. L’é i fascegn: i vegn cà da popolazions veiores nasciudes dal contat anter i Romans e la Jent de la Èlpes, apresciapech acà 2.000 egn. I tempes de la natura l’é stat per generazions a la longia chi de la vita, ma ti ultimes 60 egn l’é stat n gran mudament. L turism defat à deldut cambià la strutura economica e de endrez de la val. Anchecondì la comunità de Fascia pel ge sporjer n lurier a l’87% de sia jent e l’à la perzentuèla maora de joegn de dut l Trentin.

Tel mondo multiculturèl da anchecondì la “Jent da mont” la ge à lascià a la neva generazions n ambient amò san e la é stata bona de portèr inant sia originalità e sie valores. Apede al sentiment identitèr e a la coscenza linguistica – n muie fons e porté inant da sacotanta sociazions e istituzions culturèles – se palesa na consaputa semper maora de esser testamonesc de n patrimonie che à valor universèl.

Anchecondì, te Fascia, stravardèr la natura vel dir tegnir sù la cultura.