Menu di navigazione

Guida alla Val di Fassa

Cianacei

La Marmolèda e l mudament climatich

La Marmolèda se porta dant maestousa e soula te mez al raion dolomitich, dominan i etres monc desche na reìna. La é spezièla per n muie de rejons. Aló l’é Ponta Penìa, l spiz più aut de la Dolomites (3.343 m.) e aló nasc la Veisc (90 km), l ruf che passa fora Fascia, Fiem e Cembra dant de ruèr te l’Adesc.

L’é n post de gregn contrast. La pèrt sud, un di parees più maraveousc e senestres del raion alpin, la croda verticala per prest 1.000 metres. Te la pèrt nord enveze l’é l giacé più gran de la Dolomites: apresciapech 200 etares per 30 milions de metres cubics de èga, tegnui ite te na calota de giacia che la pel ruèr a esser auta desche n palaz de 15 pians. Aboncont, ti ultimes trent’egn, sia spersa se à smendrà de 300 metres, superjù 10 metres per an e 10 outes più en prescia che ti trent’egn passé. N muie più coran che te vigni auter post del Trentin.

Per chest l mantel sgalizent de la "Reina Biencia" l’é doventà n simbol de la situazion delicata di ecosistemes da mont delaìte da la costion del mudament climatich che l tol ite dut l pianet e n armoniment a se tor sù la gestion de chest mudament a na vida responsabola.