Menu di navigazione

Guida alla Val di Fassa

Mazin

I bosć e l'aria bona

20 milions de piantes; più che 2.000 per vigni sentadin de Fascia!

I é delbon tenc i èlbres gregn te chesta val, che i la pèra da la metes e i cour sia costes. L’é beleche dut èlbres da dascia: la maor pèrt peces (80%), ma ence lèrjes (15%), zirmes (3%) e pins (2%). I ge dèsc vita a bosć che tol cà apresciapech 11.000 etares, più che doi terc de la spersa coltivèda. Bèsta pissèr che vegn lascià che i èlbres cresce aldò de la natura demò sui terens più en aut, più che l 70% di terens a bosch enveze l vegn coltivà aldò de tecniches che miorea sia fazion dal pont de veduda ambientèl e ecologich.

La doura del bosch jà da tempes veiores disc fora che te val l’era jà zacan n endrez de la sozietà n muie inant e ben organisà, caraterisà da n leam zis fon anter om e natura. Chesta età antica se palesa amò ti mic, ti ric e ta la usanzes de la cultura ladina.

Amò anchecondì te Fascia vegn fat regalia: vegn metù fora n picol pec sul cuert de na cèsa neva desche segn che se é rué a cuert.