Menu di navigazione

Guida alla Val di Fassa

Moena

I pré e la biodesvalivanza

Negun’autra coltivazion agricola à fazion su l’ambient desche chela di pré e di pèscoi da mont. De gra a la reijes fites e ben sparpagnèdes fora, i pré favoresc l zircol de l’èga, i stravèrda l teren da la metes e i é de gran emportanza per la conservazion de la biodesvalivanza. Defat les é sacotantes la sorts vegetales, ence rères, che les vif demò te la praarìes avertes e les se sparpagnea fora canche vegn seà.

Te Fascia i pré e i pèscoi met adum più che un terz del teritorie coltivà (l rest l’é bosch) e i ge corespon a duta la spersa agricola durèda. Segur l’é la pèrt più carateristica del paesaje culturèl fascian: i tol cà vigni cianton, ence i regnes più adorc e l’é l simbol del control de l’om sul teritorie, ence n muie en aut. I lonc ciampes zacan coltivé – anchecondì pré da seèr - che se pel mirèr un dò l’auter desche se i fossa na soula fascia de verc desvalives l’é l simbol identificatif de Fascia e, aldò del pensier de vèlch studious, l’é la reisc del medemo inom de la val: Fascia = ‘fascia, ciamp lonch’.