Menu di navigazione

Guida alla Val di Fassa

Poza

La Dolomites Patrimonie de l'Umanità 

La Dolomites no l’é semper stat monc. Del Triassich (acà 250 milions de egn) l’era ìsoles che vegnìa su da l’èga de n gran mèr tropical. Col passèr del temp chestes é doventèdes più granes metan adum n arcipelagh desche chel di Caraibi. Canche l’Ocean Atlantich se à avert dut l raion l’é fonà. Dò l’Africa, tel se destachèr da la Pangea e se utan envers l’Europa, l’à uzà sù la Èlpes e la Dolomites. Più tèrt l’erojion à sćiavà fora la valèdes, descorian endodanef chela ìsoles veiores.

La maraveousa veduda di monts de Fascia che se pel mirèr anchecondì l’é apresciapech la medema de chel paesaje de la origines. Te la formes uniches e tant cognosciudes de la Torns de Vaiolet, del Ciadenac, de Saslonch o del Sela se tol fora i atoi e la crepes coralines de acà milions de egn e i fons canai de mèr che zacan les spartìa l’é doventà i jouves alpins e la valèdes olache la jent stèsc anchecondì. L’é na realtà unica tel mondo: l post olache anché vivon la vita da vigni dì l’é n paesaje fossil che amò se pel lejer benon, n arcipelagh tropical che se à mudà te monc maraveousc.