Ti trovi in:

Menu di navigazione

Guida alla Val di Fassa

Vich

L lengaz e l'identità ladina

L ladin l’é n lengaz romanz con reijes veiores e l’é chel che l’é restà de n sistem linguistich più gran che zacan l corìa duta l’Europa galromana e anchecondì l caraterisea amò dal pont de veduda culturèl la Dolomites, l Friul e i Grijons.

L’é n lengaz da mont: sia strutures linguistiches les é adatèdes per dir fora, a na vida zis sćiantiva, la carateristiches de l’ambient alpin. La paroles più antiches met adum n “vocabolèr tecnich” e les vegn cà dai lengac de popui preindoeuropeegn che stajea te la Èlpes dant de la invajion romèna. L’é cheles che ge vegn dit “paroles alpines” desche per ejempie:crepa, piz, toèl, boa, troi, baranchie, dascia.

La oujes de chisc popui veiores se palesa anchecondì tras chesta paroles amò durèdes vigni dì te la scoles, ti notizières, te familia. L’é la paroles de la natura e na pèrt viva de l’esperienza de la comunanza.