Ti trovi in:

Home » Arees tematiches » I Studafech » Vich » L Socors

L Socors

Immagine decorativa

L 115 l'é l numer unich nazionèl da chiamèr per domanèr l socors de prescia di Studafech

Se se chiama etres numeres te perdes demò temp (e te chesta situazions l sgola!). Te pes chiamèr l 115 da duc i telefons zenza durèr scioldi o getons, percheche la telefonèda no la costa. Canche sun tie telefon te druches l 115 te vegnares metù en contat con la zentrèla operativa di Studafech. (Per nos responarà la zentrèla de Trent), e l'operator l te domanarà duta la informazions che serf per entener la sort de intervent da meter en esser, l peis de l'intervent e la prescia, per poder donca manèr sul lech de referiment la sort e l numer di mesi che serf. 

Soraldut se cogn vardèr de no se agitèr endèna la chiamèda, responer demò a chel che te domana l'operator e no meter jù enscin a canche l'operator no ve darà conferma de aer duc i dac che serf.  

SE PÈRTO VOSCIA SERF L'INTERVENT DI STUDAFECH NO ABIÀ TEMA E CHIAMÀ

ENCE SE PISSÈDE CHE ZACHEI DE ETRES I LO ABIE JÀ FAT

Etres numeres utoi: 

  • 118 Emergenza Sanitèra Nazionèla 
  • 112 Carabinieri
  • 113 Polizia

Can chiamèr: 

Se pel chiamèr l 115 se:

  • crepa fora l fech te cèsa, stabilimenc, bidons de la scoadìes, ciamins, auti e c.i); 
  • crepa fora l fech te bosch o ciapa fech l jerjen;
  • desgrazies su la strèda;
  • servijes tecnics: sblochèr lifc con ite jent e orir ujes;
  • se vegn fora gas; 
  • strutures che croda;
  • se vegn fora èga;
  • metes;
  • enagajons e pompèr sù èga;
  • recuperamenc;
  • socors per la besties;
  • desgrazies a livel nazionèl calamità nazionali;
  • ... e te duta l'autra situazions de pericol per la jent...
Immagine decorativa

Ve domanon de chiamèr semper l 115, te la Provinzia de Trent respon la zentrèla operativa de Trent. Nos Volontadives aon dò n pipser coleà co la zentrèla operativa de 115 de Trent che ne fèsc a saer de fata olà e co entervegnir.