Ti trovi in:

Home » Arees tematiches » L projet "Leames" » L Projet

L Projet

Immagine decorativa

L Comun general de Fascia l sostegn i joegn, sia potenzialitèdes e sie talenc tras l projet "Leames: in rete con la tua valle - en rei con tia val".

Col projet “Leames” se vel creèr n leam fon anter l Comun general de Fascia e i joegn fascegn che à dezidù de fèr l'università.

Perché pa?

Per doi rejons:
-  dantdaldut se volessa saer inout colunes che l'é la materies de studie che vo, joegn, aede cernù de studièr. Na curiosità dassen emportanta per entener voscia capazitèdes, vesc interesc, vesc investimenc te la formazion;
-  dapò, per cognoscer dantfora la desponibilità che se arà de persones dassen studièdes e che, se les arà gust, les podarà se relazionèr con nosc setor sozièl, economich e produtif.

Sarede enjegneres, psicologhes, veterinaries, comunicatives? 

L Comun general de Fascia l'é segur che l leam anter duta chesta informazions l portarà a zeche de auter:

Delaìte del projet vo, joegn laureé, arede l met de ve scontrèr coi interlocutores istituzionèi e i testamonesc economics de nonzech per portèr dant voscia candidatura, ence per rejons de lurier e profescionèles, podarede fèr percorsc spezifics per l svilup de na idea imprenditorièla che la é voscia, se podarà tor contac per entervegnir endèna la lezions de orientament per la cernia de la università per la quintes di licees de la val; na vida emportanta per ge stèr apede ai joenec, ence con consees pratics, na ocajion per scutèr voscia proponetes.

Nos, jent grana, co la responsabilità del goern local, podaron jir inant a na vida concreta co la volontà de se dèr jù per i joegn, de ve sporjer informazions, creèr ocajions per se scontrèr co la comunanza, de fèr con vo n toch del percors senester per troèr n lurier o per la realisazion personèla.

Immagine decorativa

Co se pelel pa tor pèrt al projet “Leames”?

L'é sorì, no cognede fèr auter che scriver ite l formulèr de enscinuazion che troède te la sezion documenc ja coi prumes egn de università e, penamai che arede la laurea o canche sarede dò a fèr la descuscion, podarede manèr na mail a la direzion ruggero.chiocchetti@comungeneraldefascia.tn.it e programèr na scontrèda o aer deschirimenc.

De segur aron l met de se sentir per se agiornèr.
Ve speton e bon studie.

La Procuradora e il Consei di Ombolc