Aisciuda ladina

Immagine decorativa

L’Aisciuda Ladina l'é l'event identitèr più emportant per l Comun general de Fascia e l'à desche argoment l lengaz de mendranza, sia doura e sie sparpagnament.

L’”Aisciuda Ladina-festa del lengaz”, l’é na scomenzadiva endrezèda dal Comun general a partir dal 2009 co la colaborazion de la Scola Ladina, l’Union di Ladins e l’Istitut Cultural Ladin, co l’obietif de valorisèr l lengaz ladin sul teritorie. Chest inom l’à n segnificat prezis percheche l se lea a la data storica de l’aisciuda dai 5 de mé del 1920, canche per la pruma outa i ladins del Sela se à scontrà sun Jouf de Frea per desmostrèr de esser n popul soul per lengaz, storia e cultura. Vigni an vegn cernù n argoment spezifich che l tole ite la desvaliva realtèdes che l’é sul raion fascian e interladin: sozièta, economica, de la scola, de la sociazions e c. i., con chela de sparpagnèr fora l lengaz e l’identità de mendranza e soscedèr la sensibilità e la gaissa di fascegn medemi a uzèr fora sie esser ladins, ence tel tor sù la jent che vegn da foradecà.