Ti trovi in:

Home » Comun General » Informativa privacy » Open source e formac averc

Menu di navigazione

Comun General

Open source e formac averc

La piataforma ComunWeb e duta sia pèrts software les vegn dates fora co la Lizenza GPL v.2, aldò de la Lege Provinzièla n. 16/2012 e de la racomandazions del Codesc per la Aministrazion Digitèla, art. 68, che perveit avisa che: 

la Aministrazions Publiches les tol sù programes informatics o sia pèrts respetan l prinzip de economizità e percacenza, stravardament di investimenc, recuperament e neutralità tecnologica, dò aer fat na valutazion de comparazion tecnica e economica anter chesta soluzions, a la leta sul marcià:

- software svilupà per cont de la Publica Aministrazion;

- recuperament de software o de sia pèrts svilupé per cont de la Aministrazion Publica;

- software libero o open source;

- software da poder durèr co la modalità cloud computing; software de sort proprietèr se emprevalan de lizenza de doura;

- software che met ensema soluzions scrites de sora.

L projet Comunweb l vegn fora da na enrescida metuda a jir del 2010 dal Consorzie di Comuns Trentins, ensema con dotrei aziendes locales e con Informatica Trentina. Te chesta enrescida l’é stat vardà fora avisa i aspec leé ai sic e ai servijes on – line e l’é stat uzà fora dotrei consciderazions:

- l 50% di Enc locai no l dijea fora sun sia piata internet sacontanta informazions obligatories e pervedudes co la normativa nazionèla;

- l 75% de la piates internet di Enc Locai no les respetea en dut e per dut la normatives provinzièles nazionèles en doura;

- passa l’85% di sic no i aea l’azess o no i recordèa servijes on – line che la jent pel durèr, tropa outes la soluzions toutes sù no les ge responea assà ai besegnes di Enc e no les era adatèdes per l’interoperabilità envers aplicatives estergn.

Dò aer fat chesta consciderazions e verifiches a una coi Enc locai, l Consorzie di Comuns Trentins se à dat jù per poder sporjer soluzions tecniches e metodologiches per ge dèr l met ai enc de respetèr la normatives, che les perveit ence sanzions cères, e de conjobièr i investimenc dal pont de veduda de la inovazion tecnologica fac dai enc.

 

L projet ComunWeb l vegn fora da na esperienza madurèda dal Comun de Trent, ent che à sostegnù, tolan ite ence pìcola firmes locales, la projetazion e l svilup de na piataforma web con codesc avert, che respeta i oblighes de lege e che respon coche carenea al besegn palesà da un di enc locai prinzipai de la Provinzia; la piataforma la se basa sun un di framework open souce più modergn e cognosciui a livel internazionèl (http://share.ez.no), n strument zis personalisà e bonmarcià, che l pel vegnir svilupà con competenzes locales e che l pel aer, se fossa de besegn, assistenza direta da la cèsa mère.

 

La piataforma ComunWeb, te duta sia pèrs, les é states svilupèdes e conzedudes aldò de la lege provinzièla n. 16/2012; avisa, fajan referiment ai artìcoi 1, 2 e 7:

     - la piataforma la se emprevèl e la doura jà dal scomenz (un di criteries che à determinà sia cernia) formac dac (desche XHTML aldò del standard definì dal W3C, Opendocument format / OASIS, CSV, PDF/X PNG, JPG) e protocoi de comunicazion standard e orì (fedd RSS e web services basé sui standard SOAP e RESTful, con dac codifiché aldò de formac orì e documenté XML, JSON e CSV), touc ite te duc i prozedimenc de importazion e esportazion de la informazion, tant envers l web che envers i aplicatives spezifics che à portà a sia interoperabilità,

       - estra che durèr formac e protocoi de comunicazion basé sun standard averc, la piataforma e duta sia pèrts (estenjions) les é states dates fora con lizenza GNU / General Public License verscion 2, che ades l’é avisa la licenza sotware libero; chest criterie l vegn sostegnù dal Consorzie di Comuns e da Informatica Trentina te duta sia sescions de confront coi Enc e co la firmes locales, acioche tole pèrt al projet ence la picola firmes locales, che a man a man les pel dezider co conjobièr duta la competenzes, compagnan i Enc Locai endèna la migrazion e la personalisazion de la piataforma. Tor ite la firmes locales no vel dir demò ge dèr l met de tor pèrt al projet, entervegnan sun desvalives livìe per chel che vèrda la formazion, editing di contegnui, svilup e personalisazion de la piataforma, ma ence de ge dèr l met de ge dèr n nef sbunf a sia atività,  jan aldelà de na dimenjion demò locala, tolan sù un model de business (commercial open source) che, ence te n moment de crisa economica, seghita a crescer e a se slarièr.

      - la piataforma ComunWeb, de gra a la cernies architetoniches e al model de endrez lurà fora dal Consorzie di Comuns e de Informatica Trentina, dèsc l met de desfrutèr l torncont che sporc l paradigm Open Source, portan la aziendes locales a tor sù competenzes spezifiches sul sistem (documentà te duc i livìe) e tolan demez i limic pervedui co la soluzions locked – in e la dependenza dal fornitor; la economizità che porta la economìes de scèla nasciudes delaìte del projet ge à dat l met jà a sacotenc enc de tor pèrt.

           Donca, l projet à dat l met de smaorèr n muie i standard calitatives che cogn respetèr duc i fornidores de la Aministrazion Publica, sporjan tel medemo temp strumenc concrec per n svilup economich sostegnibol, prinzip che l vegn sotrissà co la lege provinzièla n. 16 dai 27/7/2012.

 Tel particolèr, per chel che vèrda la costions leèdes al svilup economich sostegnìbol, l’é stat fat doi intervenc spezifics:

    - definzion de standard per l’interoperabilità, donca de funzionalità che ge dèsc l met a la piataforma de dialoghèr con etres aplicatives; chisc standard i é stac stabilii delaìte de n studie de fatibilità spezifich, che à tout en consciderazion tant i aplicatives jà en esser ti enc locai, che ence i archivies de contegnui duré e domané de più (ac publics, formulères, evenc, ponts de enteress, …;); chisc protocoi, basé sun formac averc, i é stac documenté e metui a la leta di enc locai

    - svilup de n component software che l sie bon de interpretèr l paradigm di Open Data, de meter fora duta la informazions struturèdes binèdes sù e publichèdes dai enc e out soraldut ai sentadins (format CSV) e a la firmes (format JSON); tel projetèr chest component l’é stat tout en consciderazion la esperienzes prinzipèles nazionèles e internazionèles, en colaborazion con enrescidores de la Fondazion Bruno Kessler.

Vegn sotrissà amò apede che i obietives de la lege n. 16 scric en curt te l’art. 2 i é stac de ùtol per meter jù l projet

Avisa:

a)       n prozess de inovazion organisativa e tecnologica de la aministrazions publiches del teritorie provinzièl;

b)       la semplificazion aministrativa e l smaorament di servijes sporc da la aministrazion publica;

c)       la calità, l’azescibilità, l’orientament a la utenza di servijes publics e la realisazion de n model unitèr de aministrazion publica envers l sentadin;

d)       tor demez i empedimenc che no consent la parità de azes a la informazions e ai servijes a la leta;

e)       la doura de formac dac e protocoi de comunicazion standard e orì, orientan a chesta vida l svilup di sistemes ICT a scomenzèr da sia programazion;

f)        tor ite i utenc te la ativitèdes de la Aministrazion Publica;

g)       l’azess e la doura del Patrimonie Informatif Publich;

h)       la percacenza e la trasparenza de la azion aministrativa;

i)        la limitazion de la speisa publica tras la doura de la ICT.