Ti trovi in:

Home » Comun General » Informativa privacy » Privacy

Menu di navigazione

Comun General

Stravardament di dac personèi

INFORMATIVA PIATA WEB 

Te chesta sezion vegn metù dant la politiches che l Comun general de Fascia (aldò del D.lgs 196/2003 "Codice in materia di protezione dei dati personali") met en esser dintornvìa l tratament di dac personèi touc sù canche se va a veder sia piata internet ofizièla e i sic prinzipèi gestii dal medemo

Vegn publicà ence i referimenc normatives provinzièi che trata la individuazion de la responsabilitèdes en cont di tratamenc di dac personèi de titolarità de l’Ent.

 1.                  La rejons de chesta informativa

Chesta informativa la despiega la modalitèdes de gestion de la piata internet ofizièla del Comun general de Fascia e de cheles gestides dal medemo, per chel che vèrda l tratament di dac personèi di utenc, identifiché o da poder identifichèr, che i va a l veder e che i interagesc con chest e coi servijes web tras azess telematich. La informativa la vegn data jù aldò de de l’art.13 del d.lgs. n.196/2003 (Codesc per l stravardament di dac personèi) e la fèsc referiment a la Racomandazion n. 2/2001 en cont di requisic minimai per tor sù dac personèi on – line te la Union Europeèna, touta sù ai 17.05.2001 dal Grop metù su aldò de l’art. 29 de la diretiva n. 95/46/CE.

 

Avisa, tras chesta informativa se vel meter dant la modalitèdes, i tempes e la sort de informazions che i titolères del tratament cogn ge sporjer ai utenc canche i va su su la piates web, coluna mai che sie la rejon del coleament.

La informativa la vegn data jù demò per la piata internet ofizièla del Comun general de Fascia e per la piates internet che el l gestesc, e no per etres sic web estergn, che l’utent pel veder drucan i link.

Estra apede, chesta informativa la é aldò de chel che perveit la Informativa Cookie, aldò di artìcoi 13 e 122 del D.Lgs. 196/2003 (“codesc privacy”) e Provediment generèl del Garant de la privacy dai 8 de mé del 2014.

 

2.Titolèr del tratament di dac

L titolèr del tratament di dac personèi l’é l Comun general de Fascia con senta Strèda di Pré de gejia 2, Sèn Jan.

3. Lech del tratament di dac

I tratamenc coleé ai servijes web de chesta piata internet i vegn metui a jir te senta de l’Ent e i vegn gestii demò dal personal tecnich enciarià, opuramenter da jent enciarièda de fèr manutenzion ocajionèla. Negun dat tout sù col servije web l vegn fat a saer o slarià fora, lascian a valer chel che perveit la lege. I dac personèi dac dai utenc i vegn duré demò per meter a jir l servije o la prestazion domanèda e palesèda te la finalitèdes del tratament e i vegn fac a saer a etres demò se no se pel fèr condemanco.

 

4. Sort de dat tratà

Dac de navigazion

I sistemes informatics e la prozedures software che serf per fèr jir chesta piata internet i tol sù dotrei dac personèi che no l’é condemanco che i vegne mané tel durèr i protocoi de comunicazion de Internet.

 

Chesta informazions no les vegn toutes sù per les coleèr ai enteressé identifiché, ma les podessa, tras elaborazions e colemanc con dac che à terc, consentir de identifichèr i utenc.

 

Te chesta categorìa de dac l’é ite la direzions IP o i inomes a dominie di computer duré dai utenc che va sù su la piata internet, la direzions URI (Uniform Resource Identifier) de la ressorses domanèdes, canche l’é stat portà dant la domana, la metodologìa durèda per ge sotmeter chesta domana al server, la dimenjion del file ciapà de responeta, l codesc numerich che met dant l’ejit de la responeta data dal server (bon ejit, fal e c. i) e etres parametres en  cont del sistem operatif e de l’ambient informatich de l’utent.

Chisc dac i vegn duré demò per aer informazions statistiches anonimes en cont de la doura de la piata internet e per controlèr che dut vae coche carenea, e i vegn tegnui sù demò per l temp che besegna. I dac i pel vegnir duré per l zertament de responsabilità se entravegnissa reac informatics, de dan per la piata.

 

Dac che l’utent dèsc jù a na vida volontèra

Tant che l vegne fat spontan o no, canche vegn manà e – mail a la direzions scrites sun chest sit, vegn tout sù la direzion de chi che à scrit, che serf per responer a la domanes, e ence i etres dac personèi eventuèi scric te la letra.

Informatives spezifiches de sintesa les vegnarà scrites o visualisèdes su la piates spezifiches del sit per servijes particolères .

Cookies

Catalogazion di cookies

-          Cookies tecnics, che i serf per l’endrez de la piata e per poder sporjer l servije domanà da l’utent;

-          Cookies de perfil, duré per creèr perfii che revèrda l’utent aldò de sia cernies per poder ge manèr la reclam aldò del perfil creà.

 

Chest sit l se emprevèl demò de cookie tecnics e donca, dalajache no i produsc cookie de perfil, aldò de l’art. 122 del codesc privacy e del Provediment del Garant dai 8.05.2014, no l’é pervedù de ge domanèr consensc a l’enteressà.

Avisa l sit l doura:

Codesc univoch cajuèl: l serf per aer na navigazion più spedienta sul sit; l’é n cookie de sescion, che no à più valor canche se sera sù la sescion de navigazion;

Negun dat personèl di utenc l vegn tout sù dal sit.

 

No vegn durà cookies per manèr info personèles, e no vegn durà negun cd cookies che resta, opuramenter sistemes per l control di utenc

 

I cookies de sescion (che no i vegn memorisé sul computer de l’utent, e seré sù co vegn destudà l browser) i vegn duré demò per manèr identificatives de sescion (numeres a cajo generé dal Server) che i serf per poder veder en segureza l sit.

 

 

Con i cookies de sescion duré sun chest sit no se se emprevel de autra tecniches informatiches pech segures per na navigazion più segura di utenc e no vegn tout sù dac de identificazion personèi de l’utent.

 

Dejativazion e ativazion di cookie

Se pel impostèr o no i cookie sul computer, aboncont chest sit web l va coche carenea con duta la sorts de cookie abilitèdes.

La impostazions che revèrda i cookie les pel vegnir controlèdes o mudèdes da la “Preferenzes” del browser.

Druca chiò l browser che te doures, per saer coche se muda la impostazions di cookie

 

Se no se vel instalèr i cookie generé da nosc sit,  besegna personalisèr la impostazions del computer o del despositif, impostan, olache l’é pervedù, la descancelazion de duc i cookie o fajan vegnir fora n messaje de avis canche i cookie i vegn memorisé.

 

Vèrda la piata http://AboutCookies.org per aer autra informazions sui cookie e sun coche i condizionea tia esperienza de navigazion. L’é benfat se recordèr che se no vegn abilità i cookie, chest vel dir che no se pel durèr dotrei, o adertura dutes, funzions o sezions de la piata.

5. Tratament facoltatif di dac

Lascian esser chel che vegn spezificà per i dac de navigazion, l’utent pel dezider se fèr a saer o no fèr a saer sie dac personèi domané ti formulères de domana de l’Ent. Se i dac no i vegn scric se podessa no aer chel che l’é stat domanà.

6. Modalitèdes de tratament

I dac personèi i vegn traté con strumenc automatisé demò per l temp che serf per arjonjer l’obietif per chel che i é stac biné sù. Se se emprevèl de criteries spezifics de segureza per no perder dac, percheche i vegne duré coche carenea e percheche no vegne fat azesc no autorisé.

7. Deric di enteressé

La pesones, per cheles che fèsc referiment i dac, les pel aer semper la conferma se se à a la leta o no i dac medemi e de saer inout i contegnui e da olache i vegn, estra che verifichèr se i é giusć o domanèr che i vegne integré o agiorné, o se no ence retifiché (art. 7 del d.l.gs n. 196/2003).

L medemo articol l perveit ence de poder domanèr de descancelèr, mudèr a na vida anomina o blochèr i dac traté en violazion de lege, ma ence de se oponer, per rejons legistimes, a sie tratament.

 

La domanes, aldò del paragraf da dant, les cogn vegnir portèdes dant te Comun general de Fascia, avert dal lunesc a la jebia da les 8.30 a les 12.00 e da les 14.30 a les 16.30 e de vender da les 8.30 a les 12.00.

La domanes aldò de l’art. 7 del Codesc coma 1 e coma 2 les pel vegnir portèdes dant ence a ousc.