Ti trovi in:

Home » Mapa de Fascia » Sport

Menu di navigazione

Mapa de Fascia

Sport

Immagine decorativa

D'istà Fascia vegn a esser na palestra a l'averta, e da Moena a Cianacei vegn endrezà sacotanta gustegola ativitèdes sportives. Free - climbing, nordic walking, golf, rodes da mont: chisc l'é demò dotrei di sport che pel vegnir fat te val. Fascia, con chel che la pel sporjer, la é bona de sodesfèr dut chel che la jent se speta en cont de chest. Chi che à gust de fèr sport e che vel passèr sia feries a na vida ativa e a contat co l'ambient d'intornvìa, no pel se verjumèr cheta ocajion. 

Immagine decorativa

A la jent che à gust de stèr defora, tel vert de nosc bel ambient e de se goder momenc tel chiet, Fascia ge met a la leta doi ciampes per poder jièr a golf. 

Immagine decorativa

A chi che à gust de fèr sport da d'invern te Fascia l'é a la leta n stadie de la giacia o ciampes naturèi a l'averta per poder jir coi feres

Immagine decorativa

Te Fascia se pel jir co la roda su la strèda, su per la utèdes di jouves dolomitics dassen cognosciui a cajon de la tapes del "Giro d'Italia", olache se pel proèr a fèr chel che fèsc i campions del passà.

Immagine decorativa

Te Fascia l'é a la leta ence na bela e neva nodadoa per la jent che à gust, estra che de jir sa mont, ence de jir te l'èga. 

Te n muie de hotìe de la val, da Moena enscin ta Cianacei, l'é etres zentres Wellnes, olache duc pel jir ite

Immagine decorativa

Pre e troes da neif, aria freida, Dolomites e n acort magich: chest l'é chel che volessa aer chi che va coi schi da paslonch te Fascia. Te pes troèr, da Moena enscin ta Cianacei, passa 50 km de percors, te n ambient sugestif che ge somea n muie a chi del Nord Europa. Che te vaes coi schi da paslonch co la tecnica classica o no, che te sies arcedà o manco, l bel de chest sport l'é l contat che te arès co l'ambient d'intorn

Fonte: www.fassa.com (apre il link in una nuova finestra)

Immagine decorativa

Te Fascia l'é a la leta sacotanta possibilitèdes per fèr chest sport. I percorsc che via per l'istà se fèsc a pe, d'invern se i fèsc coi schi

I raions di portoes da schi te Fascia i é 9 e avisa: l raion del Lujia, chel de Sèn Pelegrin, Falcade, Ciadenac, Ciareja, Bufaure, Rodela, Belvedere, Ciampac, Fedaa - Marmolèda. Sun duta la arees l'é na webcam e na telecamera panoramica, per zertèr vigni moment che temp che l fèsc e coche l'é la neif.  

Fonte: www.fassa.com (apre il link in una nuova finestra) (apre il link in una nuova finestra)

Immagine decorativa

Co la roda da mont se pel jir sun n maraut troes e descorir paejajes da marevea, podan passèr de bela feries jan ence co la roda. 

Fascia la ge sporc a la sacotanta jent che à gust de fèr chest sport n spaent de percorsc olache se rua te n scenarie con mile e mile detaes

Immagine decorativa

Zona aposta per joegn e dassen alternativa: Fascia l'é dassen n bel raion olache te pes jir co la brea. Sui portoes de Fascia endrezé aposta per jir co la brea, de segur te podares te goder n muie. Te Fascia chi che à gust de de jir co la brea o che ge sa bel fèr freestyle i à a la leta 5 arees resservèdes e belebon endrezèdes olache i troarà jump, rail, boarder e kicker olache i pel se goder a fèr sauc e pirles con segureza.