Ti trovi in:

Home » Arees tematiches » Servijes per la scola » Formulèr Genitores

Formulèr Genitores

Immagine decorativa

L prozediment per paèr e per prenotèr l servije de mensa scolastica ades l vegn gestii a na vida deldut automatisèda. 

L prozediment per l paament durà enscin a ades, tras i portìe de la Casses Rurèles Trentines e che pervedea de poder comprèr la zedoles per l bèst, l'é stat sostituì dal nef sistem con paament dantfora, (School - Card) che dèsc l met de gestir con tecnologìes informatiches la prenotazion dì per dì del bèst te la scoles, de paèr e de meter en consaputa de fata la families. 

Duta la informazions les é scrites te la enjontes che podede veder chiò sot. 

Per jir ite enveze tel formulèr "Web Genitori" e se registrèr, se pel druchèr sun chest link (apre il link in una nuova finestra).

 

AJORNAMENC EMPORTANC: 

  • Col 1° de setember la zedoles de papier che vanza no les pel più vegnir durèdes e les cogn vegnir retudes demò a la Scola Ladina o al Comun General che l metarà sù chest credit che vanza sul credit personèl de l'utent; 
  • Vegn confermà che i portìe de la Casses Rurèles NO les à l'autorisazion a tor chesta zedoles; 
  • l sistem de paament tras i portìe ATM - BANCOMAT l'é atif sun duta la filiales de la Casses Rurèles de: CENTRO FIEMME - LAVIS - VAL DI FASSA E AGORDINO - PERGINE VALSUGANA - FIEMME - TUENNO VAL DI NON - TRENTO;
  • per fèr i paamenc (ciarièr la chèrta) bèsta demò meter en consaputa l portel - opuramenter druchèr per ciarièr su ATM-  l codesc personèl de cèria (ID - ATM) comunicà tras la letra che ge é stat manà a duta la families; 
  • l codesc fiscal e i etres dac da meter ite te la fasa de registrazion i é, te beleche duta la situazions, chi del PÈRE; se no vegn visualisà i dac del student / de la studenta, la registrazion la cognarà vegnir fata coi referimenc de l'auter genitor; 
  • dò aer fat l prum azess, druchèr sun "Modifica il tuo profilo" e meter ite l numer de fonin, se l mencia, donca druchèr sun "Conferma" per agiornèr i dac metui ite.