Ti trovi in:

Home » Comun General » Informativa privacy » Notes legales

Menu di navigazione

Comun General

Notes legales

Notes legales

Marchies, dominies e simboi de distinzion

Duc i marchies registré e no registré, de prodoc o servijes, i loghi, i banner, la testèdes, la rubriches, i dominies e vigni auter simbol de distinzion che se pel veder sun chesta piata internet i é del Comun general de Fascia. Duc i deric resservé. Chisc i vegnarà duré demò col consens dantfora e scrit del titolèr.

Vigni azion resservèda al titolèr di deric, aldò de leges nazionèles e internazionèles en cont de marchies e segnes de distinzion, e che la vegn fata zenza sia autorisazion, la é sotmetuda a condèna zivila e penala.

Doura del portal

L Comun general de Fascia no l’é responsàbol per i dans che podessa entravegnir a na vida direta o no direta co l’azes su la piata internet, per l fat de no poder fèr l’azess, e per chel che vèrda la consegna e la doura de la neves scrites tel medemo.

L Comun general de Fascia l metarà sù sun sia piata la neves agiornèdes, ma no l garantesc che i dac i sie entrìesc e tel detai. La Comunità la se resserva l derit de mudèr i contegnui de la piata internet e de la notes legales, semper e zenza besegn de avisèr dantfora.

Piates internet coleèdes

L Comun general de Fascia no l’é responsàbol per chel che vèrda i sic internet sun chi che se pel ruèr tras coelamenc en esser sul portal medemo, che i ge vegn sporc demò desche servije ai utenc de la Rei.

Enceben che l Comun general l met a la leta chisc colemanc, chest no vel dir che i medemi sic i sie ratifiché, ajache l Consorzie no l’é responsàbol dintornvìa sia calità, contegnui e grafica.

L Comun general de Fascia no l se tol sù colpes se la informazions che l’utent veit co l’azess a piates internet esternes coleèdes a sie portal no les é entrìes e tel detai.

L Comun general de Fascia no l sporc neguna arsegurazion per chel che vèrda l software en esser sun sie portal o sun piates esternes e no l pel garantir calità, segureza e compatibilità coi sistemes en doura.  

Download

I argomenc, prodoc, programes e routine che se pel veder sul portal e da poder desćiarièr (download) – per ejempie documentazion tecnica, formulères, software, … - lascian a valer na segnalazion desvaliva, i é a la leta debant e sotmetui a la condizions stabilides dal titolèr.

L Comun general de Fascia no l’é responsàbol per i contegnui di documenc o per la carateristiches di prodoc documenté, e nience per funziament di programes.

Chel che l’é a la leta tras download sul portal provinzièl l pel esser corì da copyright, deric de doura e/o copia di patrons de referiment; donca l Comun general de Fascia l domana de verifichèr condizions de doura e deric e no l’é responsàbol en cont de chest.

 

Virus informatics

L Comun general de Fascia no l garantesc che l sit l sie zenza fai o virus. La Comunità e sie fornitores no i é responsàboi per i dans che podessa aer l’utent a cajon di virus.