Menu di navigazione

Comun General

C.P.C.

di Martedì, 19 Novembre 2013 - Ultima modifica: Martedì, 04 Giugno 2019

lad-IT Ladin ita-IT Italiano

Immagine decorativa

L'art. 8 de la L.P. dai 4.3.2008, n. 1 "Ordenament urbanistich e goern del teritorie" l perveit che te vigni Comunità de Val vegne metù sù la Comiscion per la Pianificazion Teritorièla e l Paesaje (C.P.C).

A la C.P.C. ge pervegn, soraldut:

  • de dèr fora la autorisazions per l paesaje e che ge pervegn a la Comiscion, aldò de l'art. 64, comes 2 e 3, per i pians atuatives de raions touc ite te arees de stravardament ambientèl e per i intervenc sun frabicac sotmetui a stravardament del paesaje;
  • la domanes de giudizie de amiscibilità, dal pont de veduda del paesaje e de l'ambient, per lurieres fac zenza, o no aldò de l'autorisazion del paesaje (sanatories).

Canche no vegn domanà l'autorisazion per l paesaje, la dèsc jù n parer de òbligh dintornvìa la calità architetonica:

  • di pians atuatives, fora che i pians de endrez pervedui da l'art. 50, coma 7;
  • di lurieres per fèr fora frabicac da bater jù e fèr sù endodanef e dintornvìa i mudamenc ti projec che vèrda chisc intervenc, fora che per i mudamenc endèna che vegn fat i lurieres, aldò de l'art. 92, coma 3;
  • di projec de lurieres publics che perveit de fèr sù de neves frabicac e de fèr fora frabicac da durèr desche servijes e strutures publiches e ti zentres storics, per chel che vèrda i lurieres de comedament generèl di spazies publics;
  • di lurieres autorisé con deroga urbanistica e di lurieres che perveit de bater jù e de fèr sù endodanef frabicac aldò de l'art. 106.

La C.P.C. la vegn nominèda dal Comun General de Fascia e la é metuda adum:

  • dal Procurador del Comun General de Fascia o da n Conseier de Procura nominà da el, co la funzion de President;
  • un component nominà da la Jonta Provinzièla, cernù fora anter esperc de pianificazion del teritorie e stravardament del paesaje;
  • anter trei e cinch membres, cernui fora anter esperc de pianificazion del teritorie e de stravardament de l'ambient; un de chis l pel esser cernù anter i dependenc del Comun General. Amàncol doi di componenc i cogn esser scric ite ti ordegn o di coleges profescionèi.

Aldò de chel che l'é scrit sunsora, l Consei de Procura, con sia deliberazions n. 36/2015 dai 29.09.2015 e 87/2017 dai 9.10.2017, l'à metù sù la C.P.C. metuda adum coscita:

  • rag. RICCARDO FRANCESCHETTI - President e component del Consei de Procura;
  • arch. LUIGI MORANDINI - Component espert e Vize President;
  • arch. MARIA STELLA MARINI - Esperta nominèda da la Jonta Provinzièla;
  • enj. MARA NEMELA - Funzionèra Tecnica del Comun General de Fascia;
  • arch. MARCO GIOVANAZZI - Component espert;
  • arch. ALBERTO TOMASELLI - Component espert;
  • arch. SARA SBETTI - Esperta nominèda da la Jonta Provinzièla - suplenta;
  • geom. CLAUDIA ZANET - Esperta dependenta del Comun general de Fascia - suplenta.

La funzions de secretèr les vegn metudes en esser dal geom. RINALDO DOFF.

La Comiscion se bina per sòlit ogne 3 setemènes e, acioché la domanes les vegne metudes ite te l'orden del dì, chestes les cogn vegnir portèdes dant, dant che sie fora l mèrtesc de la setemèna dant.

L'ofize de la C.P.C. del Comun General de Fascia l'é te Cèsa de Comun de Vich e l'é orì de mèrtesc e de mercol inantmesdì da les 9.00 a les 12.30 e domesdì da mesa la does enscin mesa les cater (demò con cordanza dantfora) Tel. 0462 763300.

La domanes de autorisazion o de parer les pel vegnir consegnèdes ence ti ofizes del Comun General de Fascia endèna l'orarie de lurier. 

Modulistica (apre il link in una nuova finestra) C.P.C.