Ti trovi in:

Home » Mapa de Fascia » Percorsc » Jir co la cèspes

Menu di navigazione

Mapa de Fascia

Jir co la cèspes

Immagine decorativa

Le "ciaspole", o cèspes descheche ge vegn dit per fascian, l'é n strument veie e veior durà per descorir la crepes canche l'é la neif, fajan raides sun troes che no se podessa descorir e aprijièr zenza chest èrt. 

Immagine decorativa

L'é na raida no tant senestra, da fèr co la cèspes, che se dejouc fora per l gran raion dolomitich. Fajan chest percors se rua te Fuciade, con sia sacotanta tiejes, e jan inant se rua sun Pas de la Forcia Rossa, ge jan dò ai troes 670 e 694 che mena avisa sotite i bie spic del grop de la Marmolèda - Ombretola. 

Immagine decorativa

Chest percors zis bel l se dejouc fora per n ambient dolomitich fora de anter, passan fora valèdes olache l'om no à lascià trop sia pedies e te lesc olache se pel se goder n panoram zis da marevea. Fajan chesta raida se passa tedant a la Mèlga Crocifisso e a la Baita Monzoni, uties da mont olache se pel se fèrmèr per tirèr l fià e che les é avertes ence d'invern

Immagine decorativa

Se trata de na spazirèda che se dejouc fora per la Mont da Poza (Val San Nicolò), una anter la più bela valèdes secondères de Fascia. L percors, enceben che l sie n muie lènch, l'é sorì da fèr, con na bela veduda e sun chest troi no l'é pericol de levines, àmancol per l toch che mena enscin sul spiz del Sas da Pecol. 

Immagine decorativa

Chest percors dassèn sorì da fèr co la cèspes l se dejouc fora per l gran raion de la Dolomites sotite i spic del Grop de la Marmolèda - Ombretola, desche le Ponte Ciadine e l'Om Gran. Chesta promenada la é beleche del dut pianejina; se trata de na strèda batuda che mena enscin ta Fuciade con sia tiejes carateristiches.

Immagine decorativa

Chest bel percors l'é l troi n. 463 Sat e l dèsc l met de ruèr aló da Mèlga Stabio pontan via dal Pas de Duron. La mont olache l'é stat fat sù la mèlga, sotite ponta Sera, la é dassen n muie bela.