Ti trovi in:

Home » Mapa de Fascia » Sociazions » Sociazions dal sport » Tennis Club Moena

Menu di navigazione

Mapa de Fascia

Tennis Club Moena

di Mercoledì, 11 Maggio 2016 - Ultima modifica: Giovedì, 21 Febbraio 2019

lad-IT Ladin ita-IT Italiano

Immagine decorativa
Indirizzo
loc Navalge
Presso
Moena
CAP
38035
Telefono
0462 574013
Scheda

L Tennis Club Moena ASD, del 2013, l'à fat festa per sie 50 cedean. Te duc chisc egn la sociazion à abù de gran sodesfazions, ence de gra al gran gust per chest sport palesà dai desvalives Presidenc lité ti egn: Carmelo Azzolini, Bruno Sommariva, Danilo Mazzucco, Ezio Damolin, Davide Stoffie, Manuel Farina e Felice Canclini.  

I egn 80 i é stac percacenc, l'era presciapech 100 sozi e 5 ciampes de jech scialdi piens. Enveze ti egn 90 l'é stat n piorament con n nef endrez del numer di impianc e n smendrament del numer de chi che jia a chest sport. Tel nef milenie se à stentà adertura a tegnir sù chest sport. De gra al gran amor per chest sport palesà da n picol grop de engaissé, l TC Moena l'é stat bon de passèr fora chest moment e de arjonjer i livìe del scomenz ence tras la sensibilità desmostrèda dal Comun de Moena e da dotrei sponsor che à dat na gran man acioche l tennis l vegne aprijià endodanef a Moena e te Fascia. 

Te chest moment la sociazion l'à a la leta doi ciampes a l'averta de erba artifizièla, jun Navalge. 

Da cinch egn en ca l'é stat mertù sù na scola de tennis "Club School" recognosciuda da la FIT, che la engaissa joegn a jièr a tennis d'aisciuda e d'istà. Da doi egn en ca enveze l Tennis Club Moena l'enscinua sie squadres ai desvalives campionac provinzièi FIT, co la ezelenza de la D2 de la eles, che à tant che abù na promozion, e na squadra Under 14 de la eles.