Aministrazion Trasparenta
Italiano
Ladin
I dac, la informazions e i documenc che fèsc pèrt de chesta sezion, che à inom "Aministrazion Trasparenta", i vegn publiché aldò de chel che vegn stabilì coi oblighes de publicazion, trasparenza e sparpagnament di dac da man de l'aministrazions publiches. Sie regolament organich l vegn stabilì aldò de la Lege dai 6 de november del 2012, n. 190, de la Lege regionèla dai 29 de otober del 2014 n. 10 e del Decret legislatif dai 14 de mèrz del 2013, n. 33. Chesta sezion la vegn endrezèda aldò de la previjions pervedudes da la enjonta n. 1 del Decret Legislatif dai 14 de mèrz del 2013, n. 33.
La trasparenza la cogn vegnir conscidrèda desche azes en dut e per dut a la informazions en cont del endrez e de l'ativitèdes metudes en esser da l'aministrazions publiches, acioche se posse osservèr se la funzions publiches les vegn metudes en esser coche carenea, e se posse aer n control en cont de la doura de la ressorses publiches.
La trasparenza, tel respet de la desposizions en cont del secret de Stat, de ofize e statistich e de stravardament di dac personèi, la serf per meter en esser l prinzip democratich e i prinzipies costituzionèi de valivanza, de imparzialità, de bon endrez, de responsabilità, de fazion e de percacenza te la doura de la ressorses publiches, integrità e onestà tel servije a la nazion.
Chesta l é na condizion de garanzia de la libertèdes individuèles e de duc, estra che di deric zivii, politics e sozièi, la perfezionea l derit de aer na bona aministrazion e la serf per aer na aministrazion averta e che la é al servije del sentadin. L é n strument per l sparpagnament de la cultura de la legalità e de la prevenzion e de oposizion a la coruzion e a la aministrazion no giusta.
Open data e doura di dac
Da veder: direzions del Garant en cont de dac personèi
I dac publiché on line no i pel vegnir duré da chichemai, chechemai sie la finalità.
L obligh pervedù da la normativa en cont de trasparenza de publichèr i dac te n “Format avert”, no l comporta che chisc i sie “Dac averc”, donca che i posse vegnir duré da chichemai, chechemai mai sie la rejon.
Se pel se emprevaler di dac personèi publiché te chesta sezion demò respetan la condizions pervedudes da la normativa en cont de la doura di dac publics (diretiva comunitèra 2003/98/CE e decret legislatif 36/2006 che tol su la medema) ti termins compatìboi co la rejons per cheles che chisc i é stac touc su e registré, e tel respet de la normativa en cont de la protezion di dac personèi.
