Informativa tratament di dac piata internet
Italiano
Ladin
Chesta pèrt del sit l’à desche obietif chel de segnalèr la politiches del Comun general de Fascia aldò del Regolament european n. 679/2016 e del D.Lgs n. 196/2003, dintornvìa l tratament di dac personèi biné sù endèna la navigazion su la piata internet ofizièla de l’ent e di sic gestii dal medemo
Chesta informativa la descrif la modalitèdes de gestion de la piata internet ofizièla del Comun general de Fascia e di sic che el l gestesc en referiment al tratament di dac personèi di utenc, identifiché o che se pel identifichèr, che i và l veder e che i interagesc con el e coi servijes web che perveit n azess a na vida telematica.
L’informativa la vegn data fora aldò de l’art. 13 del Regolament UE n. 2016/679 e de l’art. 13 del D.Lgs n. 196/2003.
Avisa, con chesta informativa se vel meter en consaputa la jent per che vèrda la modalitèdes, i tempes e la sorts de informazions che i titolères del tratament i cogn ge dèr ai utenc canche i se coleea a piates internet, coluna mai che sie la rejon del coleament. L’informativa la vegn data demò per la piata internet ofizièla del Comun general de Fascia e per i sic internet che l gestesc e no per etres sic web che se mai l’utent pel jir a veder tras n link.
L Titolèr del tratament di dac
L titolèr del tratament di dac personèi l’é l Comun general de Fascia, con senta te Strada di Pré de gejia 2,
38036 San Giovanni di Fassa / Sèn Jan (TN)
L Responsàbol del stravardament di dac
L Responsàbol del stravardament di dac l’é l Consorzie di Comuns Trentins che à sia senta a Trent, str. Torre Verde, 23 (e-mail servizioRPD@comunitrentini.it piata internet www.comunitrentini.it )
Lech olache vegn tratà i dac
L tratament di dac coleà ai servijes web de chest sit l vegn fat te la senta de l’Ent e l vegn metù en esser demò da personal tecnich enciarià del tratament, o da jent enciarièda de fèr operazions de manutenzion. I dac che vegn cà dal sevije web no i vegn mai dac fora o sparpagné, se no canche chest tant no l vegn pervedù da la lege. I dac personèi dac dai utenc i vegn duré demò per meter en esser l servije o la prestazion domanèda e scrita te la finalitèdes del tratament e i ge vegn passé a de etres demò canche chest l serf per chesta rejon.
Sort de dac traté
Dac de navigazion. I sistemes informatics e la prozedures software che fèsc jir chesta piata internet i tol sù dotrei dac personèi che ne più ne manco i vegn passé canche se doura protocoi de comunicazion internet.
Se trata de informazions che no les vegn binèdes sù per vegnir coleèdes a enteressé identifiché, ma che, per coche les é, les podessa, tras elaborazions e coleamenc con dac che à terc, fèr identifichèr i utenc.
Fèsc pèrt de chesta sort de categorìa de dac la direzions IP o i inomes a dominie di computer duré dai utenc che và su la piata internet, la direzions che à na notazion URI (Uniform Resource Identifier) de la ressorses domanèdes, l’orarie de canche l’é stat portà dant la domana, l prozediment durà per la sotmiscion de la domana al server, la dimenscion del file de la responeta, l codesc numerich che met dant la responeta data dal server (bon ejit, fal e c.i) e etres parametres che revèrda l sistem operatif e l’ambient informatich de l’utent.
Chisc dac i vegn duré demò per binèr sù informazions statistiches anonimes en cont de la doura del sit e per controlèr che l vae coche carenea e i vegn tegnui sù demò per l trat de temp che serf. I dac i podessa vegnir duré per l zertament de responsabilità se cognessa entravegnir reac informatics che fossa de dan per l sit.
Dac che l’utent dèsc a na vida volontèra. Se vegn manà na mail zenza oblighes e con dac a la direzions scrites sun chesta piata internet, vegn tout sù la direzion de chi che à manà la mail, e chest tant l serf per responer a la domanes, e duc i etres dac personèi scric te la mail.
La informatives de sintesa spezifiches les vegnarà scrites manaman, o se podarà les veder, te la piates del sit durèdes per servijes a domana particolères.
Conzescion del tratament
L tratament l vegn fat per e te l’ambit de la funzions istituzionèles de l’ent, per meter en esser n servije de enteress publich, aldò de l’art. 6 del Regolament UE n. 2016/679.
No l’é l’obligh de dèr jù i dac
Tout fora chel che vegn spezificà per i dac de navigazion, l’utent no l’é obligà a dèr jù i dac personèi scric ti formulères de domana a l’ent. Se i dac no i vegn dac jù podessa esser che no se ciape chel che l’é stat domanà.
Modalitèdes del tratament
I dac personèi i vegn traté con strumenc automatisé per l trat de temp che serf per arjonjer i obietives per chi che i dac i é stac biné sù.
Vegn osservà mesures de segureza spezifiches acioche no vegne destrabonì dac e acioche i vegne duré semper coche carenea e aldò de la lege.
Deric di enteressé
La persones a cheles che fèsc referiment i dac personèi les à semper l derit de aer la conferma se l’é o se no l’é i medemi dac e de saer l contegnù e da olache i vegn, zertèr che no i sie falé e domanèr che i vegne integré, agiorné o retifiché (art. 15 e che vegn dò del regolament UE 2016/679 e art. 7 e che vegn dò del D.Lgs 196/2003 art. 7 del d.lgs n. 196/2003).
Aldò de chest articol la persona à derit de domanèr de fèr descancelèr, de fèr doventèr anonimes o de blochèr i dac traté no aldò de la lege, ma ence de se meter de contra, per rejons legitimes, acioche no i vegne traté.
La domanes pervedudes tel paragraf da dant les cogn vegnir portèdes dant al Comun general de Fascia tel 0462 764500 e-mail segreteria@comungeneraldefascia.tn.it
La domanes aldò di artìcoi 15 e che che vegn dò del Regolament UE 2016/679 e de l’art. 7 del Codesc coma 1 e coma 2 les pel vegnir portèdes dant ence a ousc.
