NEF ZENTER PER FASCIA PER FÈR I VAZINS
La aministrazions de Fascia les fèsc a saer che con sabeda ai 17 de oril 2021 a Sèn Jan, alò da la palestra de la scola mesènes, vegnarà orì l nef zenter per Fascia per fèr i vazins.
L Zenter l vegnarà gestì dal comitat local de la Crousc Checena Talièna col didament de la Protezion Zivila e col coordenament zentrèl de l’Azienda Provinzièla per i Servijes Sanitères de Trent, aldò de la prozedures e coi standard de segureza stabilii da la autoritèdes sanitères statèles provinzièles.
Con scomenz en sabeda ai 17.04.2021, te duc i fins de setemèna, vegnarà fat i vazins contra l Covid 19, aldò de l’età che, man a man, vegnirà autorisà da la APSS.
Te chest moment pel se prenotèr l vazin la jent dai 70 ai 80 egn e chi che à più che 80 egn che no se à amò vazinà.
La vazinazion l’é la soula soluzion che dajarà l met, mìngol a l’outa, de ruèr a na vita normala e de meter endò a jir la ativitèdes en segureza.
La aministrazions de Fascia les se à dat jù acioche l sentadin posse se vazinèr a na vida sorida ajache esser vaziné l’é n derit de duc e n doer per duc!
Dai 14.04.2021 se podarà se prenotèr, per la senta de San Giovanni di Fassa – Sèn Jan tars l sit de la APSS a chest link
https://cup.apss.tn.it/#/walkthrough
Chi che no l’é bon de se prentèr online l pel chiamèr ite i ofizies del Servije Sozièl del Comun general de Fascia al numer 335 7223215 opuramenter 0462 764297 tegnan sot man la tessera sanitèra.