Biblioteche
La Biblioteca de Comun de Sèn Jan l’à a la leta presciapech 20000 volumes, e de chisc passa mile l é DVD de desvlaiva sort: per jent grana, per joegn e film con dessegnes animé per i bec.
La biblioteca à fat l abonament ai foli locai e nazionèi de maor nonzech, e amò apede a prescipech caranta revistes spezialisèdes che trata argomenc de desvaliva sort.
La senta la é sun trei partimenc che dèsc l met de endrezèr a na vida funzionèla la desvaliva sezions.
Sul pian più aut l é la sezion per i fantolins e per i bec, spartida bel delvers aldò de l’età:
n pian uzà olache l é i libres da palpèr, i libres cartoné, i pop-up e c.i. per i fantolins e i albi dessegné per i bec dai 3 ai 6 egn;
n’area endrezèda aposta per l program “Nati per Leggere”, con na selezion di libres premié te la scomenzadiva nazionèla che à l medemo inom;
film con dessegnes animé per i bec;
l setor di comics e graphic novel;
libres per i bec dai 7 ai 14 egn spartii aldò de categorìes;
l cianton per i genitores;
la sala studie olache se pel troèr operes per i bec;
L é a la leta jeghes per poder jièr te Biblioteca.
Tel prum pian l é la sezion per la jent grana, spartida anter libres de narativa e operes, con n setor scialdi agiornà resservà ai libres da mont e a chi con indicazions turistiches. Se pel troèr ence DVD per bec e per jent grana, i foli e la revistes, la machineta co la beandes ciaudes.
Tel pian sotite l é la Sezions joenec, l setor comics e graphic novel, la Sezion Trentina, la Sezion Locala (Fascia e Fiem), i libres scric tel lengaz originèl, i ZD de musega classica e lirica. Se pel se vardèr i film de la biblioteca, ajache i utenc i à la leta na gran televijion.
Vegn sport debant i servijes de: enrescida bibliografica, emprest anter la biblioteches de la provinzia e cheles nazionèles, prenotazion di libres dac adimprest, comunicazions tras mail, stampa en bianch e fosch e a colores, scanjion de file pdf. Se fossa de besegn, demò i libres i pel vegnir retui fora dal orarie de lurier tras l box h.24, (i DVD besegna i reter de persona).
La Biblioteca de comun de Sèn Jan la é enscinuèda ence su la piataforma MLOL (MediaLibraryOnLine) che consent l emprest h24/7gg de e-book, audiolibres, corsc de lengac, dizionères, foli nazionèi e internazionèi, revistes con argoment spezifich e c.i.
Per jir su sun chest program se cogn esser enscinué te na Biblioteca del Sistem de la Biblioteches del Trentin e domanèr l’abilitazion te Biblioteca.
Se pel jir sun internet tras la rei Trentino WIFI a chela che se pel se coleèr demò con n aparat personèl (PC, Tablet, smartphone). Per l azes besegna creèr n account personèl, metan ite i dac domané (direzion mail, numer de fonin talian)
Se pel ite: dal lunesc al vender 10,00-12,00 – 15,00-19,00
serà de sabeda e ti dis de festa
Strada Roma, 3 – 38036 San Giovanni di Fassa / Sèn Jan – fraz. Vich (TN)
Tel: 0462/763062
Presciapech 8000 volumes e revistes de enteress ladin che trata chisc argomenc: storia locala, etnografìa, antropologìa, mendranzes, alpinism, leteratura da mont.
Se pel ite:
lunesc e mèrtesc 9.00 12.00 / 14.00 – 17.00
mercol e jebia 9.00 – 12.00
serà de november
e-mail: info@istladin.net
tel 0462 764267
La biblioteca, che la é stata inaudèda del 1970, l'à a la leta presciapech 13.000 libres, e la maor pèrt de chisc i vegn dac adimprest.
Se pel ite:
Mèrtesc: 09:00 - 12:00, 14:30 - 18:30
Mèrcol: 09:00 - 12:00, 14:30 - 18:30
Jebia: 14:30 - 18:30
Vender: 09:00 - 12:00, 14:30 - 18:30
Sàbeda: 09:00 -12:00
e-mail: moena@biblio.tn.it
tel 0462 573466
Orarie per la jent:
| LUNESC | MÈRTESC | MERCOL | JEBIA | VENDER | |
| INANTMESDì | SERÀ | 10:00-12:00 | 10:00-12:00 | SERÀ | 10:00-12:00 |
| DOMESDÌ | 15:00-19:00 | 13:00-17:00 | 15:00-19:00 | 13:00-17:00 | 15:00-19:00 |
e-mail: biblioteca@comune.canazei.tn.it
n. telefon: 0462 602382