SERVIJE PER I FANTOLINS SORACOMUNÈL DE FASCIA
L é n servije educatif e sozièl che, dessema co la families, deida la crescimonia e la formazion di fantolins anter i 3 meisc e i 3 egn enciasé tel ambit teritorièl del Comun General de Fascia.
La Coa per i fantolins vel esser n contest relazionèl olache, valorisan e integran i besegnes de la familia, se favoresc la costruzion de l’identità del bez e olache vegn proponet spazies, ativitèdes e materièi che stimolea delaite de relazions emportantes coi gregn e anter i bec. La senta de la coa la é a Soraga, la é orida 11 meisc al an, 8 ores en dì, da les 07:30 da doman a les 15:30 domesdì, col met per la families de poder se emprevaler amò de 2 ores de servije (do l orarie) per na gestion più percacenta del servije per i fantolins e i besegnes de lurier e de cèsa. L temp do (do les 15:30) l vegnarà metù a jir co la Coprativa che gestesc l servije.
Tel a.e. 24/25 l servije l é avert:
dal 1° de otober ’24 ai 15 de jugn ’25 (serà dai 16 ai 30 de jugn del ’25)
dal 1° de messèl ’25 ai 15 de setember ’25 (serà dai 16 ai 30 de setember ’25)
Tel a.e. 25/26 l servije sarà avert:
dal 1° de otober ’25 ai 19 de jugn ’26 (serà dai 20 ai 30 de jugn del ’26)
dal 1° de messèl ’26 ai 11 de setember ’26 (serà dai 12 ai 30 de setember ’26)
Tel frabicat de Soraga l é post per 30 bec
L Comun General de Fascia l gestesc, aldò del art. 72 de la L.P. 5/2006 la menses de la scoles populères de Cianacei, Moena, Poza e Vich, de la scoles mesènes de Ciampedel, de Sèn Jan e de Moena e cheles di Licees de Sèn Jan.
L prozediment per paèr e per prenotèr l servije de mensa scolastica ades l vegn gestì a na vida deldut automatisèda.
L Comun General de Fascia l ge dèsc fora ai studenc enciasé te Fascia, finanziamenc aposta per corir na pèrt de la speises scolastiches
COMUN GENERAL DE FASCIA Servije Tagesmutter – col 1m de aost 2022