Download "File di autorizzazione lurèr per ladin"
(File di tipo vnd.openxmlformats-officedocument.wordprocessingml.document di 1,64 MB)
Artejegn e boteghieres de Fascia
| L projet "Lurèr fascian" l vegn ca da na colaborazion nasciuda del 2013 anter l Comun General de Fascia, la sociazion di Artejegn e di boteghieres de Fascia, con chela de sparpagnèr fora l'identità ladina te Fascia ence tel setor de l'economia, con chela de spenjer i fascegn a se emprevaler di artejegn e di boteghieres dal post, a na vida da fèr cognoscer miec i servijes che aon a la leta sul teritorie, soraldut te chisc egn de crisa economica. Se trata de endrezèr n vademecum dut per ladin con ite l inom e l contat de la firmes di artejegn e de la boteighes de Fascia, che ge vegnarà sport a duta la families de Fascia; se l sentadin l vel se emprevaler di servijes, no l cogn fèr auter che tor ca chest codejel e tor contat coi artejegn a na vida n muie sorida. Dant de la publicazion scrita, vegarà publicà su la piata internet del Comun General na verscion da poder agiornèr acioche ence etres operatores economics i posse la veder e, semai tor pèrt a la scomenzadiva dant che chesta publicazion la vegne stampèda. I artejegn e i comerzianc che vel tor pèrt al projet, pel se oujer al Ofize per i Servijes Linguistics del Comun General (n de telefon 0462-764500 opz. 4 o a la direzion mail cultura@cgf.tn.it ) per fèr a saer i dac de la firma, enjontan la autorisazion che se pel desciarièr chiò de sot. Chest servije l vegn sport debant.
|
Allegati
autorizzazione lurèr per ladin
Chiò podede troèr la lingia di artejegn de Fascia che tol pèrt a la scomenzadiva
Chiò podede veder la lingia di boteghieres che tol pèrt a la scomenzadiva.