SERVIJE SOZIO ASSISTENZIÈL; SION A LA LETA PER TOR SÙ LA DOMANES DE LA FAMILIES
La situazion de l’epidemìa la é dò a portèr sacotenc problemes economics ence te nosc raion. L servije Sozio assistenzièl l'é a la leta per sporjer n didament.
La situazion de l’epidemìa che seghita a jir inant la é dò a portèr sacotenc problemes economics ence te nosc raion.
Per ge fèr front a chest moment rie l Comun General de Fascia l’é dò a se dèr jù per endrezèr projec de didament concret e per troèr fora soluzions che posse joèr a miorèr la situazion de dejèje.
Te chest moment l Servije Sozio-assistenzièl l se met endò a la leta per tor sù la domanes de la families e troèr fora na responeta ai desvalives besegnes.
Se pel donca se oujer al Servije Sozio-assistenzièl del Comun General de Fascia al numer de telefon 0462 764297, dal lunesc al vender, da les 8.30 fin les 12.30 per domanèr n apuntament.
L Comun General de Fascia, con spirit de comunanza, l’à jà smaorà i strumenc de didament che l’era en esser e l’é dò a endrezèr de etres didamenc aldò di besegnes palesé da noscia jent.