Consulta Ladina
Ladin
Italiano
La Consulta Ladina l é n orghen consultif pervedù dal art. 26 de la L.P. dai 19 de jugn del 2008 n. 6 "Normes en cont de stravardament e promozion de la mendranzes linguistiches locales".
La Consulta la fèsc referiment ai Servijes Linguistics e Culturèi del C.g.F. Co la deliberazion del Consei de Procura n. 82/2025 dai 26.08.2025 l é stat nominà membres de la Consulta Ladina i segnores:
- Dr enj. Edoardo Felicetti, Procurador del Comun General de Fascia, desche President;
- D.ra Evelyn Bortolotti, Responsabola de la U. de E. di Servijes Linguistics e Culturèi del C.g.F.;
- Prof. Bernardino Chiocchetti, Conseier de Procura;
- D.ra Rasom Sabrina, Raprejentanta nominèda dal Istitut Cultural Ladin "Majon di Fascegn";
- Prof. Federico Corradini, Sorastant de la Scola Ladina de Fascia;
- D.ra Alice Dellantonio, Raprejentanta nominèda da l'A.P.T. de Fascia;
- D.ra Vanessa Tomasi, Raprejentant nominà da da la Union di Ladins de Fascia desche esponent de la Sociazions Culturèles de Fascia;
- D.ra Nives Iori, Raprejentanta nominèda da la Union di Ladins de Fascia;
- Prof. Claudio Soraperra, raprejentant del mondo economich e culturèl ladin dolomitich
- Segnora Carlotta Nemela, raprejentanta del mondo economich e culturèl ladin dolomitich
Competenzes:
la Consulta Ladina l'à la encèria de:
- vardèr fora la istanzes e i besegnes palesé da la comunanza ladina de Fascia en cont de la promozion del lengaz e de la cultura;
- valutèr la prioritèdes e donca la laora fora la desposizions de Politica Linguistica per l stravardament e la valorisazion del lengaz ladin.
La Consulta ge porta dant al Comun General l Pian Organich de intervenc, metù ju aldò de tipologies e modalitèdes de azes a la ressorses e spartì te projec strategics, ativitèdes ordenères e sostegn a la scomenzadives spezifiches portèdes dant da Enc e Sociazions.