Ambient
I desvalives lesc ambientèi
Te la ecologìa l biotop l'é na area no tant grana (desche per ejempie n laguscel, n paluf, n sompian) de n ambient olache vif organismes vegetèi e animèi de na medema sort o de sorts desvalives, che met adum na biocenosi. Biotop e biocenosi met ensema na unità funzionèla che à inom ecosistem. L biotop donca l'é la pèrt de l'ecosistem caraterisèda da fatores no vives, desche l teren e l substrat, con sia carateristiches fisiches e chimiches, temperatures, tumiaa, lum e coscita inant, ma che no la é spartida da la componenta biologica.
Te vèlch biotop se pel troèr carateristiches spezifiches e particolères, che no l'é sorì trèr utrò. Te chest cajo al biotop ge pel vegnir recognosciù n gran valor dalajache l pel raprejentèr l soul lech olache vif sorts autoctones. Vèlch outa, duta chesta carateristiches l'é l'ejit de n equilbrie no stàbol, descheche sozet ti ambienc da sèl de lagunes, che muda a dò a dò; chest fèsc a na moda che l'ecosistem de chest biotop l sie delicat.
