Rodes
Ladin
Italiano
Riferimenti:
Sun Jouf de Pordoi l é stat endrezà sacotanta outes l travert de la tapes del "Giro d'Italia" dal 1965 en cà, an te chel che l é stat metù su la "Cima Coppi", e chest jouf, per 13 outes, l é stat l passaje più aut del Giro d'Italia: l ultim passaje l é stat del 2008. Sul jouf, amò apede, se pel veder l monument dedicà a Fausto Coppi.
Ai 26 de mé del 2006, l travert de la 19a tapa del Giro d'Italia, streca da Pordenone al Jouf de Sèn Pelegrin, l é stat endrezà sul jouf, do che i atlec i é vegnui su da la man de Belun. L é la senta del viac sa mont de la Liquigas - Cannodale.
Sellaronda l é l inom che ge é stat dat a la raida che se fèsc coi schi e al percors che se fèsc co l auto per ge fèr la roda al Sela, grop de monts de la Dolomites. Dintornvia a chest grop l é Fascia, Fodom, Badia e Gherdena. L Sellaronda l é dassen cognosciù e aprijià da chi che à gust de jir coi schi, da chi che à gust de jir co la rodes e de fèr raides a pe.