Ferrata
Ladin
Italiano
Riferimenti:
Per fèr la via Masaré Roda de Vael se ponta via aló da la utia da mont che à l medemo inom. Te conseon de te oujer ai Menacrepes, se te volesses aer maora informazions e detaes.
L percors atrezà "I magnifici quattro", che l'é chel più senester de la Dolomites, l'é nasciù aldò de n projet metù en esser per comedèr n percors atrezà durà endèna la Gran Vera desche seconda linia e lèrga per la vèrdia e per cuchèr envers i spic del "Malinvern", jouf de le Sele e duc i spic del Costabela enscin a la forteza del Col Ombert.
L troi da mont atrezà Col Ombert - Monzoni: l'é da fèr ensema con n menacrep.
Per i prumes vèresc da fèr per i troes da mont atrezé vegn conseà semper de se enformèr aló dai ofizies di menacrepes, ence per aer detaes en più en cont di etres percorsc.
Percors atrezà del Jouf del Santner (m. 2981). L ponta via aló da la Utia Coronelle; se podessa troèr la neif tel canalon. Te conseon, donca, de fèr chest percors dò da la metà de messèl. Varianta co l'azess da la utia da mont jouf del Santner.
La via ferèda de la Marmolèda l'é n percors classich che, d'stà, te mena belebon sorì sun ponta. Se pel ruèr al scomenz de chesta via tant da la man a sud da la val Ombreta, opuramenter da Contrin, che da la man a nord ponta via da la sforcela Marmolèda e te dèsc l met de ruèr sui 3.342 metres te presciapech 5 ores.