Intervenc pervedui dal servije sozièl profescionèl
Se trata de servijes che ge vegn sport a la jent che à de besegn e che taca via con na valutazion e col se tor a cèria la persona e che va inant con na projetazion individuèla e con ativitèdes de didament a la persones che à de besegn per poder troèr fora e meter a jir soluzions per fèr fora i problemes.
Vegn pervedù desvalives intervenc che revèrda chisc setores:
- secretariat sozièl
- didament Psico Sozièl
- didament per poder se emprevaler di servijes
- intervenc de tutela
Chiò de sot vegn despiegà tel detai duc i intervenc metui en esser:
Ativitèdes de informazion e de orientament per i sentadins per chel che revèrda i servijes de emportanza sozièla, la ressorses a la leta sul teritorie e la modalitèdes per poder se emprevaler di medemi.
Se trata de n aiut che l assistent sozièl l ge sporc al utent per ge didèr a entener polito colun che l é sie problem e proèr a l fèr fora valorisan la ressorses personèles e, soraldut, se sproan a esser più autonom.
Vegn pervedù dotrei rejonèdes, co la persona, per n aiut e per proèr a capir inout l problem che se à, per poder tachèr via n prozes de mudament ensema con la persona.
Didament che sporc l assistent sozièl per despieghèr co se emprevaler de servijes e de aiuc economics.
À valor per i servijes e per i didamenc dac fora:
- dal Comun General de Fascia;
- da sogec da fora (desche per l inseriment tel mond del lurier de Pedimenté Zivii o per l azes te la cèses de paussa - R.S.A.)
Se trata de intervenc spezifics metui en esser co la partezipazion de la Autorità Giudizièra (Procura de la Republica delaite del Tribunèl Ordenèr, Tribunèl per i Bec de mendra età, Giudize Tutelèr, Giudize Ordenèr)
I vegn metui en esser aldò de mandac de la autoritèdes che oblighea e che legitimea l intervent