Download "File di Compostaggio domestico"
(File di tipo pdf di 268,54 kB)
Co binèr ensema l materièl e regoles de bona creanza
Chiò te pes troèr la lingia di materièi che se pel desferenzièr
Co binèr ensema l materièl e regoles de bona creanza.
NO LASCÈR STROZ L REFUDAM! Lascèr stroz l refudam no l’é legal, l’é de gran dan per l’ambient, vegn a esser dut na dertura e se à speises maores per binèr sù l refudam che vegn lascià stroz o per bonifichèr la desćèries abusives.
NO BRUJÈR L REFUDAM! Brujèr l refudam te fèsc mèl a ti e a chi che stèsc apede (tumores! Diossina!). Brujèr l refudam te fregolèr l porta ence a n entesseament atmosferich. Chest no l’é legal e se pel ciapèr na multa da la autoritèdes.
NO LASCÈR L REFUDAM FORA DAI BIDONS O DA LA CIAMPÈNES! Lascèr l refudam fora da la ciampènes, dai bidons mec sot tera o dai bidons spezifics no l’é permetù e se pel ciapèr na multa. Amò apede, no l’é bona creanza.
NO petèr jù per cescio elech durà, presservatives, l saolon per i giac, magnadiva vanzèda, fiostres, bachec per la ureies, medejines o auter percheche la depurazion de la eghes no la garatea, embocia l’impiant e l’entesseea l’èga.
SPARTESC L REFUDAM! Desferenzièr l materièl coche carenea l’é n òbligh pervedù da la lege.
NO petèr l refudam che pel vegnir desferenzià tel bidon del refudam che resta e che no se pel desferenzièr.
NO petèr l refudam che resta ti bidons per la regoeta desferenzièda.
PETA DEMEZ l refudam organich ti bidons aposta
CHE SE PELEL PA PETÈR TEL BIDON DE LA PLASTICA?
Da spes se se domana coluna sort de plastica se pel binèr sù te la ìsoles ecologiches (olache vegn pervedù) e ti zentres de regoeta materièi de comun ZRM. L problem l vegn cà soraldut da la composizion di materièi; purampò no l’é possibol menèr aló duta la plastica, ma pel vegnir portà demò la embaladura per chela che l produtor, al scomenz, l’à paà na cauzion che, per na pèrt, la vegn recuperèda e la serf per l smendrament de la speises de gestion del servije de regoeta.
Donca, co se pelel pa recognoscer na embaladura de plastica? Vegn conscidrà desche embaladura dut l materièl de plastica che tel moment che l vegn tout, embalea n prodot alimentèr e no alimentèr. Per solit la embaladures de plastica che vegn menà tel zenter de regoeta les à amò ite l 20% de refudam, l perzent l vegn a esser più aut che l 35% se vegn vardà fora la embaladures de plastica che vegn petà ti bidons su la strèda. Chisc perzenc i smendra i vadagnes de la zescion del materièl e smaora la speises da paèr per la gestion del refudam da produzion