Download "File di Regolamento servizio TIPO"
(File di tipo pdf di 345,93 kB)
Pians, projec e dac statistics
L Comun general l gestesc l servije de la regoeta desferenzièda del refudam aldò del Projet per n endrez nef di servijes e de la gestion de la regoeta desferenzièda del refudam te Fascia.
Co la L.P. dai 14 de oril del 1998, n. 5 e m.f.d. – Regolament per la regoeta desferenzièda di refudames – vegn stabilì che i sogec che à la competenza de endrezèr la gestion di refudames urbans e assimilé, donca i comuns o sia formes de sociazion te setores teritorièi soracomunèi, i cogn gestir chesta ativitèdes, tout ite la regoeta desferenzièda, su la basa de n program de gestion aposta aproà aldò del Pian Provinzièl de desgorta del refudam. Donca l Comun general de Fascia l’à aproà l projet per n endrez nef di servijes e de la gestion de la regoeta desferenzièda di refudames te Fascia, l’adatan al Pian provinzièl e a sie trei agiornamenc da dò;
Co la L.P. dai 27 de dezember del 2010, n. 27 (lege finanzièla del 2011) l’é stat fat mudamenc delaìte de la modalitèdes de endrez e de gestion de sie servijes publics de enteress economich che fèsc pèrt di setores de competenza legislativa provinzièla. I enc locai che à gestions en economìa, i cogn tor sù n pian industrièl, ence a na vida semplifichèda. L’obietif l’é chel de desmostrèr l mantegniment tel temp del balanzament economich patrimonièl de la gestion, tegnan en conscidrazion la utenza che se emprevèl del servije, l pian di investimenc e i livìe tarifères pervedui, estra che i contegnui del regolament de servije, ma ence chel de soscedèr na cultura gestionèla di servijes publics basèda sun criteries imprenditorièi a benefizie di sentadins utenc; la gestion la cogn vegnir enformèda aldò de criteries de percacenza, economizità e sotegnibilità.