Stipendium

L Comun General de Fascia l ge dèsc fora ai studenc enciasé te Fascia, finanziamenc aposta per corir na pèrt de la speises scolastiches

L é pervedù avisa chisc intervenc:

a) STIPENDIUM

ai studenc enciasé te Fascia, se pel ge conzeder stipendium per corir na pèrt de la speises abudes da la families per l ensegnament per i fies (scola populèra, mesèna, percorsc de formazion profescionèla);
fèsc pèrt de la speises ametudes dantaldut cheles per l magnèr, per l cartier e per l trasport;
no pel fèr pèrt de la oujes de speisa, enceben che abudes, cheles per cheles che sie jà stat pervedù na desvaliva sort de sostegn.
l emport de chisc stipendium l vegn definì aldò de la condizion economica del fech, aldò de chel che vegn stabilì co la deliberazion de la Jonta provinzièla n. 1122 dai 15 de mé del 2009 estra che de la valutazion scolastica arjonta dal student;
l stipendium no l podarà aer n valor più aut che chel de la speisa abuda da la familia, e no l pel esser più aut che € 4.000,00;
l stipendium l ge vegn recognosciù demò ai studenc che é passé opuramenter a chi che, delaite del secont zicle de istruzion e formazion, i se abie enscinuà per la seconda outa a la clasc pruma mudan la direzion de studies;

b) DIDAMENC PER L TRASPORT

chest didament l pel ge vegnir recognosciù demò a la families di studenc de la scola auta che no à l met de poder se emprevaler del servije de trasport publich da cèsa sia a la scola e de retorn;
l intervent l vegn metù en esser dajan fora n contribut a forfait, calcolà aldò de tant dalonc che l é la senta, che aboncont no la pel esser dalonc manco che treimile metres;
chesta mesura l é na franchigia te la determinazion del contribut;
la zifra del contribut la vegn definida aldò de la condizion economica de la familia, aldò de chel che vegn stabilì co la deliberazion de la Jonta provinzièla n. 1076 dai 29 de jugn del 2015, e no la pel esser più auta che € 400,00 per un fi e de € 800,00 per doi fies.

Se pel aer maora enformazions sul avis enjontà.

Allegati