Download "File di GRADUATORIA AMMISSIONE RICHIEDENTI DA OTTOBRE 2025 - Aggiornata al 05.09.2025"
(File di tipo pdf di 267,92 kB)
Servije soracomunél de Fascia per i fantolins
SERVIJE PER I FANTOLINS SORACOMUNÈL DE FASCIA
L é n servije educatif e sozièl che, dessema co la families, deida la crescimonia e la formazion di fantolins anter i 3 meisc e i 3 egn enciasé tel ambit teritorièl del Comun General de Fascia.
La Coa per i fantolins vel esser n contest relazionèl olache, valorisan e integran i besegnes de la familia, se favoresc la costruzion de l’identità del bez e olache vegn proponet spazies, ativitèdes e materièi che stimolea delaite de relazions emportantes coi gregn e anter i bec. La senta de la coa la é a Soraga, la é orida 11 meisc al an, 8 ores en dì, da les 07:30 da doman a les 15:30 domesdì, col met per la families de poder se emprevaler amò de 2 ores de servije (do l orarie) per na gestion più percacenta del servije per i fantolins e i besegnes de lurier e de cèsa. L temp do (do les 15:30) l vegnarà metù a jir co la Coprativa che gestesc l servije.
Tel a.e. 24/25 l servije l é avert:
dal 1° de otober ’24 ai 15 de jugn ’25 (serà dai 16 ai 30 de jugn del ’25)
dal 1° de messèl ’25 ai 15 de setember ’25 (serà dai 16 ai 30 de setember ’25)
Tel a.e. 25/26 l servije sarà avert:
dal 1° de otober ’25 ai 19 de jugn ’26 (serà dai 20 ai 30 de jugn del ’26)
dal 1° de messèl ’26 ai 11 de setember ’26 (serà dai 12 ai 30 de setember ’26)
Tel frabicat de Soraga l é post per 30 bec
ENSCINUAZIONS:
SE PEL PORTÈR DANT LA DOMANA DE ENSCINUAZION DURAN L FORMULÈR SPEZIFICH
Ge vel ge portèr dant la domana de amiscion al servije al Comun General de Fascia, Ofize Afares generèi e Assistenza scolastica. La domanes les cogn vegnir portèdes dant aldò de chisc termins: dal 1° de otober ai 15 de otober (per la amiscion dal meis de jené del an do) e dal 1° de mé ai 15 de mé (per l’amiscion dal meis de otober del an).
Se, te chisc trac de temp, tel servije fossa amò post, l Comun General de Fascia à l poder de orir endò i termins de la enscinuazions: la domanes les pel vegnir portèdes dant dant dai 15 de ogne meis (fora che per i inserimenc de jugn e de november). Do vegnarà metù ju na graduatoria di domandanc e tout su i provedimenc de amiscion, tel limit del post a la leta.
MV: l é demò na graduatoria per duta la val. Canche l fantolin l vegn enscinuà, l é de utol saer che l inseriment, che l vegn fat mingol a l’outa, l dura presciapech 10 dis, col perveder che l pop, man a man, l empère a stèr dalonc da la mère/l père o dai giaves (l é istesc chi che mena l pop te chesta doi setemènes, bèsta demò che per dut chest temp sie la medema persona). I inserimenc i vegnarà stabilii da la coordenadora che la dezidarà tempes e modalitèdes del servije ence aldò di gropes de età di bec.
Vegn sotrissà che se pel se emprevaler del servije per n temp smendrà aldò de chesta modalitèdes:
- orarie smendrà da doman (da les 7:30 a les 13:30);
- orarie smendrà domesdì (da les 13:30 a les 17:30).
QUOTES
La speisa per n bez enscinuà al servije la é de presciapech € 13.500,00 al an, de chi che € 7.100,00 i vegn corì da la Provinzia autonoma de Trent. Chel che resta l é a cèria de la families e di comuns olache vif l bez. La familia paa chesta quotes:
- quota che no muda, calcolèda col meter en doura l indicator ICEF (indicator de la condizion economica de la familia) anter chisc limic al meis: Min € 180,00 al mais (indicator ICEF <= 0,117647) – Max € 400,00 al meis (indicator ICEF >= 0,245098);
- quota da paèr al di, aldò de la prejenza, con referiment a la speises per l magnèr per l materièl igienich/sanitèr che serf. La é medema per duc i utenc: € 3,50 al dì;
- quota al meis da paèr sorafora se se emprevèl del servije do (da meter a jir e da ge paèr a la coprativa): € 20,00/meis per ogne ora da fèr do;
- co l’azetazion del post tel servije per i fantolins, ge vel paèr na cauzion de € 100,00, che se tegn l’Aministrazion scin canche l bez l se emprevalarà del servije e scin canche no sarà stat paà duta la quotes. L Comun General de Fascia l se tegnarà la cauzion se l utent l renunzia al servije dant de se n emprevaler.
MV: Ti etres dis cache l servije l é serà, stabilii dal Comitat de gestion, vegn tout ju l cost da la quota che no muda te 22mi (tar . che no muda/22*dis serà); se trata di dis en più respet a la festes nazionèles (sabeda, domenia, Madona de Aost, I Sènc, Nadèl, la Conzeta te chi che che no vegn tout ju).
Per l an educatidf 2024/2025 i dis stabilii dal Comitat de Gestion olache l servije l é serà l é:
En vender ai 27 de dezember del 2024
En lunesc ai 30 e en mèrtesc ai 31 de dezember del 2024
En lunesc ai 3 e en mèrtesc ai 4 de mèrz del 2025
En mèrtesc ai 22, en mercol ai 23 e en jebia ai 24 de oril del 2025
En vender ai 2 de mé del 2025
En lunesc ai 15 de setember del 2025
Per l an educatidf 2025/2026 i dis stabilii dal Comitat de Gestion olache l servije l é serà i sarà:
En mercol ai 24 de dezember del 2025
En vender ai 2 e en lunesc ai 5 de jené del 2026
En lunesc ai 16 e en mèrtesc ai 17 de firè del 2026
En jebia ai 2, en vender ai 3, en mèrtesc ai 7 e en vender ai 24 de oril del 2026
En lunesc al prum de jugn del 2026
SE L BEZ L VA MANCO CHE N MEIS O SE L VEGN TOUT FORA FORA PER L MEIS, GE VEL PAÈR LA QUOTA ENTRIA; per malaties col zertificat per più che 10 dis a do a do, la quota la vegn smendrèda del 50%.
La fatures a cèria de la families les vegn manèdes fora dal Comun General de Fascia do dal meis de referiment e ge vel les paèr dant da 30 dis da canche les vegn manèdes fora. Vegn enjontà ence l boletin per l paament tras l sistem PagoPa.
SE PEL FÈR NA PROA TRAS L SERVIJE ICEF DE LA PAT PER VERIFICHÈR SE SE À DERIT PER AER I DIDAMENT DRUCAN CHEST LINK
https://www.icef.provincia.tn.it/clesius/icefTrasp/index.jsp?idDescrizione=0&command=0
DOMANA UNICA – e meter ite junsom a la piates l numer di componenc e druchèr “avanti”. VEGN CONSEA de se oujer a n portel Caaf abilità o al portel provinzièl del teritorie per la elaborazion definitiva e dreta”!!