L é fora la neva sajon de ComunicAzions l podcast plurilingual de la Scola Ladina de Fascia!
Se pel scutèr i prumes neves epijodies sul canal YouTube de TV Ladina https://youtu.be/dDAy7vQWAtw e sun Radio Fiemme on demand e FM 104 de mèrtesc da les 11:50, de jebia da les 19:45 e de sabeda da les 16:45.
Data di inizio pubblicazione
30/10/2025
Data di archiviazione
30/11/2025
30 studentes e studenc de la classes quintes del liceo ladin di lengac à emparà a scriver tesć per la radio, i li à registré con sia oujes e i à emparà co i lurèr fora e i meter ensema per i dèr fora.
Vigni apuntament l porta dant fegures storiches più e manco cognosciudes che à a che fèr con Fascia.
Tone Valeruz, Theodor Christomannos, Carla Zenti... vites curiouses portèdes dant per ladin, todesch, ingleis, spagnol e rus.
N projet de formazion tant per i studenc che per chi che scouta, per cognoscer zeche da nef en cont de la storia de Fascia, ma ence per se fèr endò su la oreia o smaorèr sia competenzes ti lengac.
L projet l é stat metù dant e finanzià dai Servijes Linguistics e Culturèi del Comun General de Fascia.