Download "File di Comunicazione non correntezza retributiva"
(File di tipo pdf di 1,33 MB)
"Correntezza contributiva"
Informazions operatives dintornvia l’atività de verifica che i dependenc ciape la paga che met a jir l’Agenzia per i apalc e i contrac
L Regolament che met en doura l art. 33 del L.p. 2/2016, aproà col Decret del President de la Provinzia dai 28 de jené del 2021, n. 2-36/Leg., à pervedù che vegne fat l control che i dependenc i ciape la paga, per paèr la rates en acont o de l’ultima pèrt del corispetif de apalt, col binèr su la declarazion portèdes dant dai operadores economics che desmostra che sie dependenc i vegn paé e do da n control de la declarazions che fèsc ogne Aministrazion che dèsc su apalc, se emprevalan ence de na strutura provinzièla spezifica troèda fora da la Jonta. En cont de chest, co la deliberazion de la Jonta provinzièla n. 175 dai 12 de firé del 2021 l é stat metù su l Ofize controi e suport a la Direzion APAC, aló da l’Agenzia provinzièla per i apalc e i contrac (da ades APAC). Do che la Jonta Provinzièla à tout su la deliberazion n. 701 dai 7 de mé del 2021 con argoment “Pruma indicazions de endrez e per meter en doura l Decret del President de la Provinzia dai 28 de jené del 2021 n. 2 – 36/Leg. dintorinvia l control che i dependenc i vegne paé aldò del articol 33 de la L.P. n. 2/2016 e mfd.”, e endèna che vegn smaorà na piataforma informatica per poder tor dant la declarazions che i dependenc i vegn paé canche vegn metù a jir contrac publics, vegn conscidrà che sie de utol dèr vèlch indicazion operativa tant per l’Aministrazions che dèsc su apalc, che se emprevèl del servije zentralisà de verifica, che ence per i operadores economics enteressé (apaltador, subapaltador, conzscionèr co l fossa esecutor).
Ge vel recordèr che:
• desche lech de esecuzion del contrat vegn conscidrà l cantier temporan o mobol opuramenter na senta desvaliva (che no l é chela legala e/o de stabiliment) olache l é lurieranc che met a jir l servije opuramenter, co fossa refornimenc, la poja/montaje. Donca dal ciamp de aplicazion vegn lascià fora i contrac de reforniment che no perveit ativitèdes de poja o de montaje di bens, i refornimenc che serf e che i é de utol per meter a jir i lurieres en economia aldò del articol 52 de la lege provinzièla sui lurieres publics 1993 e i servijes per ejempie de call center /help desk o aboncont metui a jir dalonc da la senta de lurier, che no peveit che sie personal per meter a jir l servije aló dal comitent.
• aldò del sistem de control despiegà tel detai dal Decret del President de la Provinzia dai 28 de jené del 2021, n. 2-36/Leg. che met en doura l articol 33 de la l.p. 2/2016 i operadores economics che no à l obligh de tor su l liber unich del lurier no i é sotmetui al regolament
• ence la compres per sumes mendres che € 5.000,00 aldò del art. 36 ter 1, coma 6 de la L.P. 23/90 e la compres per sumes mendres che € 10.000,00 aldò del articol 52 coma 7 de la l.p. 26/93 e mfd les é despensèdes da chest zertament.
• a la medema vida vegn despensà i ordegn fac co la Convenzions aldò del articol 36 ter1, coma 5 de la L.P. 23/90 estra che duc chi pervedui sul marcià eletronich ME.PAT che no à domanà la RDO. Acioche sie più sorì meter ju la declarazion che i dependenc i vegn paé sun chela che l’APAC farà n control, vegn enjontà n formulèr spezifich per chesta declarazion. Chest formulèr l é a la leta ence su la piata internet de APAC te la sezion “Correntezza delle retribuzioni” http://www.appalti.provincia.tn.it/correntezza a la leta di sogec enteressé.
ADEMPIMENC PER I OPERADORES ECONOMICS
Acioche vegne paà l corispetif de apalt/subapalt, desche acont o desche sia ultima pèrt, chi che ciapa l apalt/l subapalt/l conzescionèr cogn ge portèr dant a l’Aministrazion che dèsc su l apalt la declarazion che i dependenc i vegn paé, da portèr dant scrivan ite l formulèr de declarazion enjontà, che desmostra che la suma de la paghes metuda dant tel liber unich del lurier corespon con chel che dalbon ge é stat paà ai lurieranc sul lech de esecuzion del contrat.