Ti trovi in:

Home » Arees tematiches » L projet "Leames" » La ativitèdes

La ativitèdes

TOL PÈRT ENCE TU!

L projet te sporc cater percorsc desvalives per na partezipazion ativa.
Cern chel che podessa caraterisèr miec tie talenc e tie enteresc. 

TOR PÈRT A PERCORSC DE PROJETUALITÀ

Te sarès envià a tor pèrt a momenc per se cognoscer, ensema coi joegn del Projet Leames, per portèr dant tie percors universitèr e tia idees per l lurier e per l davegnir! 

Faron ensema na valutazion en cont de colun toch de percors poder fèr ensema.
Amò apede te podares domanèr na scontrèda aposta demò per te.

TOR PÈRT A PERCORSC INFO / FORMATIVES PER I JOEGN CHE MET SÙ NA FIRMA

Se te ves proèr a te "meter per to cont", se te ves che n tie projet, a chel che te ge stès dò con gaissa, vegne a esser vèlch de reèl, te troarès la enformazions giustes per proèr a tachèr via l percors e ence dotrei didamenc concrec per entener ghenao l'empegn che ge vel per arjonjer chest obietif!

TOR PÈRT A  LA SCONTRÈDES CHE VEGN METÙ A JIR COI INTERLOCUTORES SOZIÈI E ECONOMICS DE LA COMUNANZA

Per la comunità ladina l'é dassen emportant cognoscer sie joegn e la esperienzes profescionèles che i è dò a fèr dò dai studies universitères, ence fora da la Provinzia. Ence per i joegn l'é dassen emportant fèr cognoscer sie perfil de lurier. N dialogh fondamentèl per no perder i leames e fèr a na vida che i talenc i reste te val!

TOR PÈRT A SCONTRÈDES DE ORIENTAMENT SCOLASTICH

No demò lurier! Se cò te ès fenì i studies, te ès troà ence n lurier, tras chest projet te vegn dat l met de troèr fora dotrei bona modalitèdes per "te meter en rei con tia val". Te podarès tor pèrt desche testamonech a la scontrèdes de orientament per i studenc de la quintes de la scola autes, o se no tor pèrt a evenc publics o a vèlch de auter che stabiliron ensema!