La Comunanza Ladina (5 valèdes / geografia / storia)
I Ladins dla Dolomites l é na comunanza de mendranza linguistica che la rua a dombrèr presciapech 40.000 jent e la é loghèda dintorn l Grop del Sela te la valèdes de Fascia, Gherdena, Badia, Fodom e Ampez.
L teritorie ladin, metù a ciaval anter la Region Trentin-Sudtirol e l Venet, sot l profil aministratif l é despartì te 3 provinzies e 2 regions più avisa: Fascia - Provinzia de Trent, Gherdena e Badia – Provinzia de Busan, Fodom e Ampez – Provinzia de Belun, region Venet. Enceben che anchecondì la mendranza linguistica ladina la é recognosciuda ufizialmenter a livel local e nazional e l’à a la leta normes aposta per sia defendura e stravardament, chesta situazion de spartijion la porta a aer n tratament desvalif anter la valèdes ladines con efec che i pel ence esser no semper positives.
