Sociazion Transdolomites
Italiano
Ladin
La sociazion Transdolomites la é stata metuda sù a Poza ai 30 de jugn del 2006. L’é l’ejit de n percors che l’é durà dotrei egn caraterisà da convegnes olache vegn rejonà de mobilità e energìa sostegnibola, e metui a jir te Fascia. L voler engaissèr maormenter Fascia, Fiem e dò ence Cembra a tor pèrt e a endrezèr chisc evenc ence a livel internazionèl estra che fèr doventèr projec concrec chel che vegn tratà chiò, l’é chel che à spent a meter sù la sociazion Transdolomites.
L’obietif che se met dant Transdolomites l’é chel de la promozion de la tematiches che revèrda la mobilità e l turism sostegnibol te Fascia, Fiem e Cembra soraldut tras l’endrez e la sponsorisazion de convegnes, enrescides e studies per troèr fora la vides alternatives del trasport sa mont, l miorament de la calità de la vita, tor sù i obietives pervedui da la convenzion de la Èlpes.
