Ensemble Canticum Novum
Italiano
Ladin
L’Ensemble Canticum Novum, cor de omegn e de fémenes metù sù a Moena a la fin del 1993, l’é metù adum da 35 jent che vegn da Fascia e Fiem. Metù sù e ret dal maester Ilario Defrancesco, ti 19 egn de atività l’à metù en esser passa doicent conzerc te la doi valèdes e sacotanta manifestazions te l’ambit regionèl, nazionèl e internazionèl.
Te chisc ùltimes egn l’Ensemble se à metù dant de ge jontèr ite al repertorie de la mùsega sacrala ence n program etnich, jan a descorir neves sons tipics de la mùsega tradizionèla de autra cultures, europeènes e no europeènes. Te chesta enrescida à abù gran fazion la colaborazion abuda col maester Sebastian Korn, dozent e componist de nonzech a livel internazionèl, con chel che l’Ensemble, sot a sia bacheta, del 2003 à endrezà n zd con cianties da Nadèl live.
Te sacotanta ocajions l’à colaborà co la orchestra de archec de la scola de mùsega “IL PENTAGRAMMA” de Fiem e de Fascia – metuda adum da joegn arleves – per endrezèr conzerc olache l repertorie “a cappella” l se alternea con mùseghes sonèdes con strumenc.
