Musega auta Fascia
Italiano
Ladin
La Mùsega Auta Fascia l’é l grop de museganc de la val de sora, che tol ite i Comuns de Mazin, Ciampedel e Cianacei, te la Provinzia de Trent.
Nasciuda da pech, la mùsega à volù troèr na soluzion per corir chesta gran locia che a man a man, te chisc paìjes, doventèa semper più grana. Se dant, per emparèr a sonèr n strument, se cognea fèr n muie de chilometres, e saon ghenao che se spostèr sa mont l'é dassen senester, soraldut d’invern, ades se à l met de aer i ensegnanc più apede.
Chest à dassen smendrà la speises e i dejèjes, ge fajan vegnir estro e gaissa de sonèr a n muie de bec che fazile dant no i ge aessa nience pissà.
Dut chest l'é doventà concret de gra a n diretif ascort e da snait che engaissa e che ge stèsc apede a duc chi che é dò a viver chesta aventura maraveousa, ma soraldut col didament di Comuns de Mazin, Ciampedel e Cianacei che i ge sporc n didament economich a chesta gran sociazion, ge recognoscian na manscin fondamentèla te la educazion e te la formazion culturèla de la neva generazions.
