Musega de Poza
Italiano
Ladin
La “Mùsega de Poza” l’é la banda de Poza, paìsc del zenter Fascia. Desche sociazion de mùsega la se cruzia de fèr formèr i joegn e i gregn che à gust de sonèr e de slarièr fora la tradizion e la cultura ladina se sproan a se miorèr a dò a dò e a troèr fora semper vèlch da nef per no fèr jir dò brea jù la tradizions veies e veiores.
De gra ence a n organich joen e engaissà, la Mùsega de Poza la é semper bona de ge sporjer a la jent, soraldut endèna i desvalives evenc en program via per l’istà, n spetacol te chel che vegn sonà mùsega Folk tradizionèla e chela più moderna, tolan cà ence toc de mùsega co la colaborazion de autra sociazions de musega de la Val.
