Ti trovi in:

Home » Guida alla Val di Fassa » Associazioni » Associazioni culturali » Schuhplatter de Ciampedel

Menu di navigazione

Guida alla Val di Fassa

Schuhplatter de Ciampedel

di Giovedì, 28 Aprile 2016 - Ultima modifica: Mercoledì, 30 Gennaio 2019

ita-IT Italiano lad-IT Ladin

Località
Ciampedel
Fax
0462 750232
Referente
Filippo Favè
Ruolo del referente
President
Scheda

La parola “Schuhplattler” la vegn cà dal todesch e l’é na vida de balèr dassen particolèra e fora de anter. A la letra, chesta parola vel dir “batidor de ciuzé” (Schuh = ciuzé, plattler = batidor). Chest inom l'é stat cernù percheche defat endèna i bai i balarins i bat apontin la mans su la giames e su la soles di ciuzé.

Nosc repertorie l’é metù adum da 10 bai, balé aldò de na mùsega (con nos l’é na persona che sona l’orghen da mantech), e l spetacol dura presciapech 45 menuc. Dant di bai vegn dit doi paroles dantfora e vegn fat na curta spiegazion del bal e di movimenc che vegn fat.

Ensema coi balarins (ades 15) tel grop l’é ite ence dotrei camarites regolèdes col guant che fèsc da cornisc e che, te dotrei bai, bala ensema coi balarins.

L grop folk “Schuhplatter” l’é nasciù a Ciampedel ti egn dò la vera.

Zacan i contèa che Franz da Fiè dal Sciliar (n paìsc aló da l’Alpe di Siusi) l se à plindernà a Ciampedel per lurier. Dò se aer fat ite coi joegn del paìsc, l ge à ensegnà i prumes movimenc di bai di Shuhplattler; a chesta vida l’é stat metù a jir i prumes spetacoi di Schuhplattler a Ciampedel. Da enlouta l grop l se à desfat e metù adum sacotanta outes.   

L grop atuèl l’é nasciù via per l’uton del 1979 per voler del preve da Ciampedel, Don Tito Vecchietti rechia, che l se à dat jù per troèr i membres del grop da enlouta (desfat a la fin di egn sessanta) e che à metù adum n bel grop de joegn e de bec de Ciampedel che à gust de jir inant con chesta tradizion. Del 1980, d’aisciuda, la dì de la sègra l’é stat portà dant l grop di “Schuhplattler” .