Lifeline Dolomites Onlus
Italiano
Ladin
LIFELINE DOLOMITES l’é na sociazion nasciuda dantaldut desche grop de suport al Dotor Carlo Spagnolli, dotor Trentin che dal 1975 l se à dat jù te sia miscion umanitèra te l’Africa.
La senta de la sociazion la é a Poza e i membres colaborea co la sociazion Amici Sen. Giovanni Spagnolli de Rorei, co la fondazion Roberto Bazzoni da Milan, co la sociazion Pane, Pace e Sviluppo da Colorno, e con sacotanta autra sociazions de volontariat a livel nazionèl.
La sociazion se met dant de:
- meter a jir scomenzadives de solidarietà per didèr fora i purec;
- svilupèr, tras mesi adaté e aposta, la cognoscenza de la desvalivanzes sozièles, culturèles e economiches, avisa di paìjes che é dò a se svilupèr;
- binèr sù scioldi per poder jir a proveder medejines, materièl e èrc sanitères e magnadiva per i ospedèi ti raions olache la jent stenta de più;
-colaborèr con autra organisazions de volontariat en esser sul teritorie per meter a jir azions coordenèdes e metodologìes sperimentèdes;
- meter a jir ativitèdes de benefizienza, donca ge dèr fora scioldi e bens materièi a la jent che à più de besegn;
- endrezèr duta chela scomenzadives per fèr soscedèr te la jent l sentiment de solidarietà anter i popui;
- se trata de na sociazion zenza fins de vadagn e la metarà a jir duta chela azions che la peissa posse servir e esser de ùtol per arjonjer sie obietives.
