Bela Ladinia
Italiano
Ladin
Bela Ladinia la é nasciuda a na vida ofizièla via per l’uton del 2003 de gra a n grop de amisc che volea se goder e stèr ensema, leé dal gust de jir coi schi da mont: anter chisc l’era ence jent de nonzech desche Astrid Renzler, Mirko Mezzanotte, Michael Mölling… l prum an Bela Ladinia, te sie grop, l’aea adertura 6 atlec de la squadra Nazionèla Talièna!
Da enlouta la atività metuda en esser da Bela Ladinia la é scialdiì jita inant con gran gaissa e legreza, l’é stat ence momenc olache se à stentà de più, con manco jent enscinuèda, ma l gust de jir coi schi da mont e de se goder no l’é mai mencià.
Dal 2010 l President de la sociazion l’é Mauro Sommavilla che se à tout sù la encèria per l bel ambient dassen aiegher che fèsc stèr adum chest grop, zis engaissà de fèr ruèr endodanef chest grop descheche l’era al scomenz, ma soraldut ence percheche canche la sajon la é fenida, apede ai ejic de la raides e ai devertimenc, se à semper abù l met de didèr la sociazions che se cruzia de la jent desfortunèda.
