Fassa Falcons
Italiano
Ladin
La sozietà la é stata metuda sù del 1955, co l'inom H.C. Canazei. Ai 15 de mèrz del 2013, dò aer jià per 28 egn a la longia tel livel più aut del campionat, la sozietà, tras n comunicat ai tesseré, l'à fat a saer de voler serèr sù duta la ativitèdes coi 31 de mèrz del 2013; chest l'é sozedù a cajon de la crisa economica nazionèla, che l'à smendrà la entrèdes di sponsor. Aboncont, de messèl, la sozietà, de gra al didament di sostegnidores e de dotrei sponsor, l'à fat a saer a na vida ofizièla de aer fat la enscinuazion tel livel più aut ence per la sajon 2013 - 2014. L'à serà sù la sajon arjonjan l'ùltim post. L'an dò l Fassa l'à serà sù la sajon arjonjan l penùltim post. A la fin de la sajon, la sorastanza del Fassa l'à fat a saer de voler ge dèr n nef sbunf a la squadra, volan adertura venjer l campionat del 2017/2018. Dantdaldut vegn mudà l'inom de la squadra (da Hockey Club Fassa a Hockey Club Fassa Falcons), l logo (no vegn più durà l'ègua e vegn durà l falchet) e i colores sozièi (apede ai colores bianch - brun chièr, te la neva maia portèda dant te la conferenza stampa, vegn enjontà l color checen).
