Monti Pallidi
Italiano
Ladin
La Union Sportiva Monti Pallidi l’é la sozietà polisportiva che la é en esser da passa 60 egn delaìte del setor sportif trentin e nazionèl.
L’obietif prinzipal che vel arjonjer la sozietà l’é chel de tachèr a arcedèr i pìcoi e i joenec te la desvaliva disciplines sportives: schi da mont, paslonch, brea, balon, corsa.
Estra che ge stèr dò a la gestion ordenèra di setores, la US Monti Pallidi la se cruzia da semper de meter a jir evenc particolères fora per l’an, evenc che ti ùltimes egn é doventé semper più de gran valuta.
Da semper vegn endrezà l “Giro de le Notole”, manifestazion che la vegn metuda a jir duc i egn ai 14 de aost da passa 30 edizions…
Desche semper vegn endrezà la festa sozièla de la fin de la sajon e la festa del balon, olache se bina duc i sozi, i sozi sostegnidores, i sponsor e i colaboradores per fèr festa fora per l’an.
À arjont de bie ejic, tant per chel che vèrda l’endrez, che per chel che vèrda i recognoscimenc estergn, la garejèdes da schi da mont di percorsc regionèi e extraregionèi.
