Menu di navigazione

Guida alla Val di Fassa

Scufons del Cogo

di Martedì, 10 Maggio 2016 - Ultima modifica: Giovedì, 21 Febbraio 2019

ita-IT Italiano lad-IT Ladin

Immagine decorativa
Indirizzo
Cianton Tibaut, 11
CAP
38035
Località
Moena
Referente
Fabrizio Deville
Ruolo del referente
President
Scheda

L Club “Scufons del Cogo” l’é metù adum da n grop de amisc, che vegn da duta la Tèlia e che se bina a Moena per palesèr l’amor per la mont e per l sport. Vegn fat freeride a duc i livìe e l vegn fat per duc, joegn e manco joegn, soraldut coi èrc da telemark.

Estra che endrezèr la Scufoneda, event sportif de telemark & freeride che vegn metù a jir l secont fin de setemèna de mèrz e che vel esser n event che no pel mencèr tel calandèr nazionèl e internazionèl de la adunanzes de pascioné de telemark, manifestazion europeèna  e extraeuropeèna scialdi spetèda e aprijièda metuda a jir su la Dolomites, patrimonie de l’Unesco e fèr freeride, se jirà inant a endrezèr la scomenzadives metudes en esser ja ti egn passè: l Telekids (corsc per scomenzèr a fèr telemark e de formazion per la segureza sa mont metui a jir per i bec) ensema con la scomenzadives de solidarietà a favor de l’Africa, “Con una curva in più, regala un sorriso all’Africa”, con chela che vegn binà sù scioldi per n orfanotrofie te l’Uganda e per mantegnir na adozion a distanza de dotrei bec. Autra scomenzadives co la colaborazion o adertura endrezèdes dal club l’é, via per de Dezember, i dis dediché ai sozi ensema coi profescionisć de la neif, l tor pèrt a scontrèdes metudes a jir fora per dut l teritoirie nazionèl, la proponeta de momenc per se scontrèr per fèr raides che l club ge sporc ai sozié, momenc de festa d’invern e d’istà e sacotanta proponetes per duc i besegnes, Canyoning, Rafting, Freeclimbing, Tekking, festes te piaza e festes de paìsc.