Codesc Kemler
Saede a che che corespon i numeres che lejede su la tabeles tachèdes sù sui mesi che mena stroz materièl lujech che pel ciapèr fech? (desche i camion co la ciasternes de penzin?)
I numeres scric su la tabeles no i à n segnificat misterious, ma i ge va dò a n schem scempie e prezis. I fèsc referiment a na tabela pomaranc che à inom Codesc Internazionèl KEMLER.
Junsom la tabela se pel lejer cater zifres che met dant l'inom del materièr che vegn menà stroz. Sunsom enveze vegn scrit l numer KEMLER".
L numer KEMLER l met en consaputa cotant che podessa esser pericolous chest materièl.
La pruma zifra palesa l pericol più gran:
2 Gas
3 Materièl lujech che pel ciapèr fech
4 Materièl dur che pel ciapèr fech
5 Materièl comburent o perossid organich
6 Materièl che entessea
7 Materièl radioatif
8 Materièl che magna fora
Ejempie: Penzin
La seconda e terza cifra ne met en consaputa en cont di pericoi secondères
0 negun segnificat
1 esplojion
2 vegn fora gas
3 pel ciapèr fech
5 Proprietetèdes comburenc
6 entesseament
8 l magna fora
9 Reazion forta per descomposizion spontana o polimerisazion.
Con doi numeres medemi, aron n smaorament del pericol prinzipal; col secont e l terzo numer medemo aron n smaorament del pericol secondèr. Donca 33 vel dir che se trata de n materièl lujech che ciapa fech sorì (pel ciapèr fech sot ai 21°), 66 n materièl con n fort pericol de entesseament, 88 n materiel che magna fora n muie, se la combinazion de la doi zifres l’é 22, chest numer vel dir che se trata de n gas zis sfridà, 42 n materièl dur da chel che pel vegnir fora gas se l’é a contat co l’èga, 333 l’é n materièl lujech che podessa ciapèr fech da soul. Canche dant del numer KEMLER vegn metù na x chest vel dir che l materièl no l cogn ruèr a contat co l’èga
l meso ciapa fech
SE VEDEDE N MESO CHE CIAPA FECH
- NO jì apede
- parà demez i curiousc
- meteve, respet al cèr o a la ciasterna, olache no sofia l vent
- no fumà
- No soscedà fiames o tizes
- no tocià l materièl che l'é vegnù fora
- no stajé a ve meter la mans o ogec "enfeté" te bocia
- no pestà l materièl lujech vegnù fora
- chiamà sobito l 115 (Studafech)
Tabela numer O.N.U.
Tabela numer O.N.U.
| N. | Descrizion | N. | Descrizion |
| 1001 | acetilene | 1223 | kerosene |
| 1005 | amoniaca anidra | 1230 | alcool metilich |
| 1011 | butan | 1267 | elech minerèl |
| 1016 | ossid de carbonium | 1268 | elech per motores |
| 1017 | clor | 1381 | fosfor |
| 1027 | ciclopropan | 1402 | carbur dE calcio |
| 1028 | freon 12 | 1428 | sodie |
| 1038 | etilen | 1547 | anilina |
| 1040 | ossid de etilene | 1613 | ejie cianidrich |
| 1045 | fluor | 1654 | nicotina |
| 1049 | idrogen | 1680 | cianur potassie |
| 1050 | ejie cloridrich | 1710 | trielina |
| 1053 | ejie solfidrich | 1779 | ejie formich |
| 1072 | ossigen | 1791 | ipoclorito de sodie |
| 1075 | gpl | 1805 | ejie fosforich |
| 1076 | fosgene | 1823 | soda caustica |
| 1079 | anidrida solforousa | 1869 | magnesie |
| 1089 | acetaldeide | 1888 | cloroformie |
| 1090 | aceto | 1971 | metan |
| 1114 | benzol | 2015 | èga da ossigen |
| 1134 | clorobenzene | 2209 | formaldeide |
| 1170 | alcool etilich | 2304 | naftalina |
| 1202 | gaselech | 2761 | ddt |
| 1203 | penzin | 9109 | solfat de ram |
Etres simboi
Etichetes de pericol
L'é la raprejentazion grafica che moscia l livel de pericol, che se enten defata respet a n grop de numeres. A ogne materièl, e donca a n medemo numer ONU, pel coresponer desvaliva etichetes de pericol. Per ejempie: al numer ONU (o Un) 1098 ge vegn recognisciù la etichetes de pericol n. 6.1 e 3. (avisa sunsora eticheta biencia con sù l cef da mort e e i osc encrojé e l numer sie te la pèrt bassa, e eticheta rossa con na fiama te la pèrt auta e l numer 3 su la pèrt bassa)
