L ambient te man
"Te sès olache te es, te sès chel che l vèl": projet de comunicazion e de sensibilisazion a la sostegnibilità ambientèla.
L obietif generèl che se vel arjonjer con chest projet l é chel de envièr via n percors out a sensibilisèr la comunitèdes locales al respet del ambient, de chel che les é responsaboles, e tel medemo temp, les engaissèr a se sentir pèrt de la neva realtà de la comunità de Val – l Comun General de Fascia – desche esprescion de na unità ambientèla, culturèla e de paesaje e no demò istituzionèla. Dut chest l vegn fat percheche l é de besegn che ti fascegn vegne soscedà n sentiment de teritorialità ativa, da palesèr soraldut per chel che vèrda l mantegniment de sie ambient naturèl, che l é ence la basa de sia originalità culturèla. L obietif l é chel de fèr entener che ambient e cultura te val va inant ensema, desche entità teritorièla piena (che concretisea ence l'idea de la comunità de Val) tras argomenc trasversèi con chi che vegn portà dant en curt la particolaritèdes.
L obietif spezifich l é chel de meter a jir n sistem de informazion dinamich e slarià fora te dut l teritorie (con desvalives ponc de azes loghé sul teritorie) con contegnui percacenc e atuèi. Se à chela de creèr n prodot originèl tant per chel che vèrda i argomenc che ence dal pont de veduda di mesi de comunicazion, che i cogn esser desvalives da chi ja en esser sul teritorie e desferenc da dut chel che vegn portà dant de zenza co la promozion turistica.
L projet l perveit l svilup de na lingia de elemenc informatives che revèrda l argoment de la sostegnibilità ambientèla, metuda adum da tesć + icones + codejes grafics (QR Code o Beetaggs) che se pel adatèr a desvalives suporc (tulins o “totem”) e a la lèrga a la leta. I elemenc informatives i pel vegnir duré ensema o da soi aldò del besegn e i pel vegnir loghé fora per l teritorie de duc i comuns de la val.
Per ejempie: aló da la zones de spet (fermèdes de la corieres, stazions de la forenadoes, lesc per l fit de schi e de rodes, ofizies de la posta) taché su sui mesi de trasport publich (corieres, picola corieres e skibus) o, senó, olache la jent chier informazions (ofizies per i foresc', cèses de comun, biblioteches, musees).
Immagini riferite a "L ambient te man"
-
Fermate dei bus
Fermate dei bus -
"Totem" pista ciclabile
"Totem" pista ciclabile -
"Totem" pista ciclabile
"Totem" pista ciclabile
