Raion di portoes da schi
I raions di portoes da schi te Fascia i é 9 e avisa: l raion del Lujia, chel de Sèn Pelegrin, Falcade, Ciadenac, Ciareja, Bufaure, Rodela, Belvedere, Ciampac, Fedaa - Marmolèda. Sun duta la arees l'é na webcam e na telecamera panoramica, per zertèr vigni moment che temp che l fèsc e coche l'é la neif.
Fonte: www.fassa.com (apre il link in una nuova finestra) (apre il link in una nuova finestra)
Da Poza, col modern impiant portamont, se rua sun Bufaure olache duc chi che à gust de jir coi schi o co la brea pel se goder sun 16 chilometres de portoes, che i é béleche duc checegn. Da Poza, jan su per Meida, da la man a dreta se veit sù l Skistadium Aloch con sie portoi neigher che à l medemo inom. Ence de net sun chest portoi te pes jir coi schi, descheche se fossa dì, ajache l'é enlumenà; l'é dassen n stadie per jir coi schi: l'é lènch 1.000 m, l'à 500 m de dislivel e l'à na n livel del 27% de ert (l toch più ert l'à n livel de ert del 49%). A Pera, avisa vin Fraine, l'é n pìcol portoi per emparèr a jir coi schi con apede ence sacotenc jeghes. Amò apede enlongiajù l'é ence n portoi da paslonch, enlumenà ence da sera.
Te pec menuc, da Cianacei, co l'impiant portamont se rua sun Pecol, lech che fèsc pèrt del raion de schi del Belvedere. Sun Pecol aboncont se pel ruèr ence co l'auto jan su la Strèda Statala 48 de la Dolomites. Tel raion de schi del Belvedere l'é 17 chilometres de portoes con desvalives livìe de dificoltà. (Béleche duc i portoes i é checegn)
Tai Ronc l'é logà l'impiant portamont, inaudà del 2008, che te mena sun "Valbona", te n raion olache te pes respirèr aria bona. Coi sacotenc impianc portamont fac sù (lift portamont, skilift e na rei de sentadoes dassen modernes) ge vegn dat l met a chi che l'é bon de jir coi schi che ence ai bec, de se goder su la neif sun passa 26 chilometres de portoes, semper bie batui.
Se pel ruèr tel raion per jir coi schi del Col Rodela tolan la forenadoa moderna da 100 jent de Ciampedel che ponta via jun Ischia, te l'area sportiva del paìsc e che te mena sotite la crepes del Saslonch.
Per ruèr te chest raion per jir coi schi, da Vich te cognes fèr n toch de la "Gran Strèda de la Dolomites", la strèda che dapò te mena jun Busan. Se trata de na via de comunicazion storica inaudèda ai 13 de setember del 1909 e per chela che del 2009 l'é stat fat festa per sie centené.
Tel raion del Ciadenac e avisa sun Ciampedie se rua da la man de Vich, de grà a na moderna scèla a motor che dal zenter de paìsc te mena aló da la stazion olache ponta via la forenadoa "Ciadenac", o se no da la man de Pera, co la sentadoes "Vajolet 1", "Vajolet 2" e "Pian Pecei".
Chesta forenadoa, dal zenter de Dèlba, te dotrei menuc la te mena sù te la stazion sun Ciampac, na area naturèla da olache se pel se goder n bel panoram envers la crepes del Saslonch, del Sela e de la Marmolèda, la "Reina de la Dolomites".
Te chesta area se pel ruèr da Cianacei; da Cianacei se và en sù envers l Jouf de Fedaa (presciapech 13 chilometres), se passa fora per la frazions de Dèlba e de Penìa e se rua enscin a l'impiant portamont che dal lech de Fedaa mena sun Pian dei Fiacconi.
L raion da schi de Falcade (val del Biois) l'é l coleament naturèl del Sèn Pelegrin e l'area veneta/belumata del comprenjorie Trevalli. L'é aut 1.200 metres e da aló se pel se goder un anter i panoramens più bie de duta la Dolomites.